يادرولىق كارديولوگيانىڭ ماڭىزى ارتىپ كەلەدى.
اسىرەسە، راديونۋكليدتىك دياگنوستيكا ادىستەرى كارديولوگيادا كەڭىنەن قولدانىلادى. بۇل ادىستەر ميوكاردتىڭ ءارتۇرلى زاقىمدانۋلارىن، ونىڭ ىشىندە قانمەن قامتاماسىز ەتىلۋىنە بايلانىستى جانە بايلانىستى ەمەس جاعدايلاردى زەرتتەۋگە مۇمكىندىك بەرەدى.
دياگنوستيكادا ءبىز ءبىر فوتوندى ەميسسيالىق كومپيۋتەرلىك توموگرافتاردى جانە پوزيتروندى-ەميسسيالىق توموگرافتاردى قولدانامىز، ولار گامما-ساۋلەلەردى تىركەيدى.
ەمدەۋ كەزىندە راديوييودتەراپيا باسىمدىققا يە. بۇل ءادىس ىسىكتەردى ەرتە انىقتاپ، ولاردى باستاپقى كەزەڭدە جەڭىل ءارى اسقىنۋسىز جويۋعا مۇمكىندىك بەرەدى.
يادرولىق مەديسينا اشىق راديونۋكليدتىك كوزدەردى قولدانۋعا نەگىزدەلگەن. ول راديونۋكليدتىك دياگنوستيكا جانە راديونۋكليدتىك تەراپيا بولىپ ەكىگە بولىنەدى. يادرولىق مەديسينا نەگىزىنەن كارديولوگيالىق جانە ونكولوگيالىق اۋرۋلاردى ەمدەۋدە قولدانىلادى. راديواكتيۆتى يزوتوپتاردىڭ ءتىرى جاسۋشالارعا اسەر ەتۋ قاسيەتى ولاردى تەك ىزدەۋدە عانا ەمەس، سونداي-اق جويۋدا – راديويممۋندىق تەراپيادا قولدانۋعا مۇمكىندىك بەرەدى.
بۇل ءادىس قۋىقاستى بەزىنىڭ، انالىق بەزدىڭ، تەرىنىڭ، سونداي-اق كەيبىر قان جانە مي قاتەرلى ىسىكتەرىن ەمدەۋدە ءساتتى قولدانىلادى.
يادرولىق مەديسينا مۇمكىندىكتەرىن كەڭەيتە وتىرىپ، ءبىز اۋرۋلاردى ەرتەرەك انىقتاپ، ءتيىمدى ەمدەۋ جولدارىن ۇسىنامىز.