اۋىزاشاردان ارتىلعان اس تىڭايتقىشقا اينالادى

مالايزيانىڭ پاحانگ شتاتىنىڭ بيلىگى اس قالدىعىن تىڭايتقىشقا اينالدىرۋ باستاماسىن جۇزەگە اسىرۋعا كىرىسەدى.

بۇل جايىندا islam.kz پورتالى ءوز كەزەگىندە AFP اقپارات كوزىنە ءجون سىلتەگەن IslamNews سايتىنا سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.

جاماعات بولىپ اۋىز اشاتىن ۇلكەن مەشىتتەردىڭ كىرەبەرىستەرىنە، سونداي-اق، وتباسىمەن اۋىزاشارعا جينالاتىن ساياباقتارعا جىلجىمالى قوقىس وڭدەۋ ماشينالارى ورناتىلدى. ءاربىر وسىنداي ماشينا تاۋلىگىنە 25 كەلى تاماق قالدىقتارىن وڭدەي الادى. ازىرگە بۇل كورسەتكىش كۇن سايىن مالايزياداعى قوقىس پوليگوندارىنا كەتەتىن 13 000 توننا جەلىنبەگەن ازىق-تۇلىكپەن سالىستىرعاندا از. ىسىراپشىلدىقپەن كۇرەسۋدەگى يگى باستاما ۋاقىت وتە كەلە ەل اۋماعىندا جاپپاي قولدانىلۋى مۇمكىن. ال بۇل جايت ەلدىڭ ەكولوگيالىق احۋالىنا وڭ اسەرىن تيگىزىپ، ەكونوميكالىق ءتيىمدى جوباعا جول اشادى: ارزان تىڭايتقىش الۋدىڭ ءادىسى رەتىندە. وزگەشە باستامانى قاتتى قالدىقتاردى وڭدەۋ مەن قوعامدىق جيناستىرۋ كورپوراسياسى كوتەرگەن بولاتىن. قۇرىلعى 48 ساعات ىشىندە ازىق-تۇلىك ونىمدەرىنىڭ قالدىڭىن وڭدەيدى، سودان كەيىن ول ورالعان تۇردە دايىن تىڭايتقىشتاردى شىعارادى، ودان ارى تىڭايتقىشتار فەرمەرلەرگە جونەلتىلەدى.