2024 جىلعى 8 ساۋىردەن باستاپ سۋ تاسقىنى ءقاۋپىنىڭ جوعارى بولۋىنا بايلانىستى قازاقستاننىڭ ۇلتتىق گيدرومەتەورولوگيالىق قىزمەتىنىڭ گيدرولوگيالىق جانە ىلەسپە دەپارتامەنتتەرى تاۋلىك بويى جۇمىس رەجيمىنە اۋىستىرىلدى.
«قازگيدرومەتتىڭ» بارلىق جەردەگى باقىلاۋ جەلىسىندەگى باقىلاۋشىلار، سينوپتيكتەر مەن گيدرولوگتار 24/7 كەستە بويىنشا تۇراقتى نەگىزدە جۇمىس ىستەدى، ەندى ولارعا كاسىپورىننىڭ باسشىلىعى، بولجامدى جانە اقپاراتتىق قىزمەتتەرى قوسىلدى، دەپ حابارلايدى Almaty-akshamy.kz.
«قازاقستاننىڭ بارلىق وبلىستارىندا ورنالاسقان بارلىق 15 فيليالدان كەلىپ تۇسەتىن اقپاراتتى وڭدەۋ جانە تالداۋ ءقازىر تاۋلىك بويى جۇرگىزىلىپ جاتىر. ءقازىر اتىراۋ، اقتوبە، قوستاناي، باتىس قازاقستان، سولتۇستىك قازاقستان، اقمولا، شىعىس قازاقستان، اباي وبلىستارىندا سۋ تاسقىنى ءقاۋپى ءالى دە ساقتالىپ وتىر. سۋ وبەكتىلەرىن باقىلاۋ جىلدام رەجيمگە اۋىستىرىلدى، ناقتى دەرەكتەر ۇنەمى وڭدەلەدى. بارلىق دايىن اقپارات مەملەكەتتىك جانە جەرگىلىكتى ورگاندارعا تاۋلىك بويى كەلىپ تۇسەدى»، دەلىنگەن حابارلامادا.