الماتىنىڭ ءتورت شاعىن اۋدانىندا 395 شاقىرىم سۋ قۇبىرى جانە كارىز جەلىلەرى سالىنادى
ناۋرىزباي اۋدانى قۇرىلعاننان بەرى اۋىز سۋمەن قامتاماسىز ەتۋ ەڭ وزەكتى ماسەلە بولىپ تابىلادى. بۇگىندە اۋدان تۇرعىندارىن ساپالى جانە ۇزدىكسىز سۋمەن قامتاماسىز ەتۋ بويىنشا بەلسەندى جۇمىستار جۇرگىزىلۋدە. بۇل تۋرالى قالا اكىمى ەربولات دوسايەۆ حالىقپەن ەسەپ بەرۋ كەزدەسۋىندە مالىمدەدى، دەپ حابارلايدى almaty-akshamy.kz
قالا باسشىسى ەسكە سالعانداي، وتكەن جىلدىڭ قاراشا ايىندا اقجار جانە شۇعىلا شاعىن اۋداندارىندا 61 شاقىرىم سۋ قۇبىرى جانە كارىز جەلىلەرىنىڭ قۇرىلىسى ءساتتى اياقتالدى.
2024 جىلدىڭ ماۋسىم ايىندا اقجار، قاراعايلى، تاستىبۇلاق جانە تاۋسامالى شاعىن اۋداندارىندا 395 شاقىرىم جاڭا سۋمەن جابدىقتاۋ جانە كارىز جەلىلەرىنىڭ قۇرىلىسىن باستاۋ جوسپارلانۋدا.
اقجار مەن قاراعايلى بويىنشا مەملەكەتتىك ساراپتامانىڭ وڭ قورىتىندىلارى الىندى.
تاستىبۇلاق جانە تاۋسامالى شاعىن اۋداندارى ءۇشىن مەملەكەتتىك ساراپتاما بيىلعى جىلدىڭ ناۋرىز ايىندا اياقتالادى دەپ كۇتىلۋدە، دەپ اتاپ ءوتتى ەربولات دوسايەۆ.