الماتىنىڭ ناۋرىزباي اۋدانىنداعى «پرەمەر» قازاندىعىنىڭ جىلۋ قۋاتى 2 ەسەگە ارتتى
الماتىنىڭ ناۋرىزباي اۋدانىندا بەلسەندى ءتۇرعىن-ۇي قۇرىلىسىنا بايلانىستى، اتاپ ايتقاندا «شۇعىلا» شاعىن اۋدانىندا قولدانىستاعى قازاندىقتىڭ قۋاتى ساپالى جىلۋمەن قامتاماسىز ەتۋ ءۇشىن جەتكىلىكسىز بولدى. بۇل ماسەلەنى شەشۋ ءۇشىن 2023 جىلدىڭ جەلتوقسانىندا «پرەمەر» قازاندىعىن جاڭعىرتۋ اياقتالدى. بۇل تۋرالى قالا اكىمى ەربولات دوسايەۆ ناۋرىزباي اۋدانىنىڭ تۇرعىندارىمەن كەزدەسۋ بارىسىندا مالىمدەدى.
«سونىڭ ناتيجەسىندە قازاندىقتىڭ جىلۋ قۋاتى 2 ەسە، 100 گكال/ساع ۇلعايدى»، - دەدى قالا باسشىسى.
ايتا كەتەيىك، 2023 جىلى الماتىدا ەربولات دوسايەۆتىڭ تاپسىرماسىمەن جۇرگىزىلگەن جىلۋمەن جابدىقتاۋ سالاسىنداعى كەزەكتى مودەرنيزاسيالاۋ جۇمىسى 25 جىلدان قولدانىلعان قۇبىر جەلىلەرىنىڭ پايىزىن 59،2%-عا دەيىن قىسقارتۋعا مۇمكىندىك بەردى. جىلۋارالىق كەزەڭدە جالپى ۇزىندىعى 7،6 كم جىلۋ جەلىلەرىندەگى 12 نىسان قايتا جاڭارتىلدى.
جىلۋ ءوندىرۋ سەكتورىندا بارلىق 84 قازاندىقتا جوندەۋ-پروفيلاكتيكالىق جۇمىستارى جۇرگىزىلدى. اتاپ ايتقاندا، 7 جىلۋ نىسانىنىڭ 13 قازاندىعى، 12 قازاندىقتىڭ 24 ءتۇتىن سورعىشى، سونىمەن قاتار، باسقا دا قوسالقى جابدىقتار اۋىستىرىلدى.