قالالىق جۇرەك ورتالىعىنا "قولقا قاقپاقشاسىنىڭ سىني ستەنوزى" دياگنوزى قويىلعان 83 جاستاعى ناۋقاس جەتكىزىلدى. بۇل دەرتكە ەنتىگۋ، السىزدىك ءتان، ول ومىرگە تىكەلەي ءقاۋىپ ءتوندىرۋى مۇمكىن. جاسىن جانە جوعارى حيرۋرگيالىق تاۋەكەلدى ەسكەرە وتىرىپ، اورتا كلاپانىن از ءينۆازيۆتى ادىسپەن اۋىستىرۋ (اورتا كلاپانىن ترانسكاتەتەرلىك يمپلانتاسيالاۋ (TAVI) تۋرالى شەشىم قابىلداندى.
وتا ينتەرۆەنسيالىق كارديولوگيا ءبولىمىنىڭ مەڭگەرۋشىسى ورازبەك ساحوۆتىڭ باسشىلىعىمەن ءوتتى. جۇرەككە قول جەتكىزۋ كەۋدە قۋىسىن اشپاي-اق فەمورالدى ارتەريا ارقىلى جۇزەگە اسىرىلدى. تامىر ارقىلى قولقا قاقپاقشاسىنىڭ ايماعىنا رەنتگەن جانە ەحوكارديوگرافيا باقىلاۋىمەن جاساندى قاقپاق جەتكىزىلىپ، ورناتىلادى.
وتا بارىسىندا ناۋقاس وزدىگىنەن تىنىس الىپ، حيرۋرگتارمەن تىلدەسىپ، ولاردىڭ ايتقانىن ورىندادى. وتا اياقتالعاننان كەيىن ايەل ءبارى اۋىرتپالىقسىز جانە ءبىر تىرتىقسىز وتكەنىن اتاپ ءوتتى. بىرنەشە ساعات وتكەن سوڭ پالاتادا ول وزدىگىنەن قوزعالا الدى.
مامانداردىڭ ايتۋىنشا، TAVI (Transcatheter Aortic Valve Implantation) ءادىسى ەگدە جاستاعى ناۋقاستاردا اۋىر جۇرەك اقاۋلارىن ەمدەۋدىڭ ەڭ زاماناۋي جانە جەڭىل ادىستەرىنىڭ ءبىرى بولىپ تابىلادى. بۇل اشىق وتا ەمەس جانە قالپىنا كەلتىرۋ كەزەڭى ەداۋىر قىسقارادى.
ناۋقاس كارديوورتالىق ۇجىمىن جوعارى كاسىبيلىگى مەن قايتادان ەركىن تىنىس الۋعا كومەكتەسكەنى ءۇشىن العىس ءبىلدىردى.