سوت شەشىمىمەن كولساي ش/ا.، №2237 ۋچ. سالىنىپ جاتقان ءۇش عيمارات ءسۇرىلدى، دەپ حابارلايدى الماتىنىڭ قالا قۇرىلىسىن باقىلاۋ باسقارماسى.
باسقارما جۇرگىزگەن جوسپاردان تىس تەكسەرۋ كورسەتكەندەي، مەنشىك يەسى (جەكە تۇلعا) ءتيىستى رۇقسات قۇجاتسىز نىساندار سالۋعا كىرىسكەن.
مەنشىك يەسىنە قاتىستى جول بەرىلگەن بۇزۋشىلىقتاردى جويۋعا نۇسقاما بەرە وتىرىپ، 316-باپ 1-باپ بويىنشا اكىمشىلىك شارا قابىلداندى.
2023 جىلى 25 ساۋىردە باسقارما الماتىنىڭ مەدەۋ اۋداندىق سوتىنا بۇزۋ تۋرالى تالاپ ارىز بەردى. 2023 جىلى 22 قىركۇيەكتەگى سوت شەشىمىمەن بۇزۋ تۋرالى تالاپ قاناعاتتاندىرىلدى.
قالالىق ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن مەنشىك يەسى ءوز ەركىمەن بۇزۋعا كىرىستى.
ەستەرىڭىزگە سالا كەتەيىك ، الماتى اكىمى ەربولات دوسايەۆتىڭ زاڭسىز قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا وتكەن جىلدىڭ باسىنان بەرى 38 زاڭسىز نىسان تولىعىمەن نەمەسە ءىشىنارا بۇزىلدى، ونىڭ ىشىندە «مەچتا»، «KHAN»، «گراف»، «الما گاردەن» تۇك جانە ت.ب. بار.
