ونىڭ مالىمدەۋىنشە، ەڭ الدىمەن بۇل جوبالاردى دامۋ الەۋەتى جوعارى اۋىلداردا ىسكە اسىرۋ ۇسىنىلىپ وتىر.
«اۋىل – ەل بەسىگى» جوباسى اياسىندا 2019 جىلدان باستاپ اۋىلداردىڭ ينفراقۇرىلىمىن دامىتۋعا 701 ملرد تەنگە قارجى ءبولىندى. وعان 2،2 مىڭ اۋىلدا 6،6 مىڭعا جۋىق جوبا ىسكە اسىرىلدى. ناتيجەسىندە 5،3 مىڭ شاقىرىم كولەمىندە ينجەنەرلىك جەلىلەر، سونداي-اق 7،9 مىڭ شاقىرىم اۋىلىشىلىك جولدار جاڭعىرتىلدى، سونىمەن قاتار ءبىرقاتار الەۋمەتتىك نىسان جاڭادان سالىندى جانە قايتا جاڭعىرتىلدى. بيىل 500-گە جۋىق اۋىلدىق اۋماقتا 900-دەن استام جوبانى ىسكە اسىرۋعا 176،4 ملرد تەڭگە بيۋدجەتتەن ءبولىنىپ وتىر»، – دەدى ۆيسە-مينيستر.
«اۋىل اماناتى» جوباسى دا ماڭىزدى باستاما بولىپ تابىلادى. ونىڭ اياسىندا وبەكتىلەردە ينجەنەرلىك ينفراقۇرىلىمدى جۇرگىزۋ، كاسىپكەرلەردى وقىتۋ، ساقتاۋ، وڭدەۋ جانە وتكىزۋ بويىنشا مەملەكەتتىك قولداۋدىڭ جاڭا قۇرالدارى ەنگىزىلىپ جاتىر. سونداي-اق الداعى ۋاقىتتا شاعىن يندۋستريالدى ايماقتار قۇرۋ ماسەلەسى پىسىقتالىپ جاتىر.
اۋىلداردا كادر تاپشىلىعىن شەشۋ ءۇشىن «ديپلوممەن اۋىلعا» جوباسى ىسكە اسىرىلۋدا. بولاشاقتا ەلدى مەكەندەرگە قاجەتتى ماماندىقتار ءتىزىمىن كەڭەيتۋ كوزدەلگەن. جوبالاردى سينحروندى ىسكە اسىرۋدى ءتيىمدى قامتاماسىز ەتۋ جانە مامانداندىرۋدى ايقىنداۋ
ماقساتىندا سكرينينگ جاسالدى. سكرينينگ دەرەكتەرى نەگىزىندە «اۋىل اماناتى» جوباسىن جۇزەگە اسىرۋ ءۇشىن باسىم باعىتتار مەن ينفراقۇرىلىمدىق قاجەتتىلىك ايقىندالدى.
اكىمدىكتەردىڭ بيۋدجەتتىك وتىنىمدەرىن قاراۋ كەزىندە بارلىق فاكتور ەسكەرىلەدى. كووپەراتيۆ قۇرۋعا، قايتا وڭدەۋ، اۋىل شارۋاشىلىعىنا جاتپايتىن قىزمەت تۇرلەرىن، ءونىم ءوندىرۋدىڭ بۇكىل سيكلىن كوزدەيتىن جوبالارعا باسىمدىق بەرىلەدى. قاتىسۋشىلاردىڭ ءوتىنىش بەرگەن ساتىنەن باستاپ ميكروكرەديتتى العانعا دەيىنگى پروسەستەردى سۇيەمەلدەۋ ماقساتىندا اۆتوماتتاندىرۋ جۇيەسى جەتىلدىرىلىپ جاتىر.