بۇل تۋرالى دەنساۋلىق ساقتاۋ ءمينيسترى اجار عينيات ايتتى.
مينيسترلىك دارى-دارمەك، ۆاكسينامەن قامتاماسىز ەتۋدى تۇراقتى باقىلاۋىندا ۇستاپ وتىر، دەپ حابارلايدى Almaty-akshamy.kz
قازاقستاندا اۋماعىندا ناۋقاستارعا كەرەك دارى-دارمەك جەتكىلىكتى.
«ناۋقاستارعا كەرەك دارى-دارمەك جەتكىلىكتى. اۋرۋحانالاردا دارى-دارمەكتىڭ 16 اتاۋى بويىنشا ەكى ايلىق قورى قامتاماسىز ەتىلدى. ال ەمحانالار مەن امبۋلاتوريالاردا 1،3 ملرد تەڭگەدەن استام سوماعا ءدارى ساتىپ الىنىپ، قور جاساقتالدى. بۇل ءوز كەزەگىندە 80 مىڭ پاسيەنتكە جەتكىلىكتى»، - دەدى ا. عينيات.
ونىڭ ايتۋىنشا، قوسىمشا ءبىرىڭعاي ديستريبيۋتور قويمالارىنا 4 ملرد تەڭگەگە دارى-دارمەك الىندى.
«مينيسترلىك دارى-دارمەك، ۆاكسينامەن قامتاماسىز ەتۋدى تۇراقتى باقىلاۋىندا ۇستاپ وتىر»،- دەدى ۆەدومستۆو باسشىسى.
بۇدان بۇرىن حابارلانعانداي، «قىزىل» ايماقتا شەكتەۋ شارالارى دەنساۋلىق ساقتاۋ جۇيەسىنىڭ جۇكتەمەسىنە بايلانىستى ەكى كەزەڭمەن قابىلدانادى. ۇكىمەت باسشىسى ءاليحان سمايلوۆ اكىمدىكتەرگە حالىقتى ۆاكسينالاۋ جانە ريەۆاكسينالاۋ جۇمىستارىن جانداندىرۋدى تاپسىردى.