مينيستر ارمان شاققالييەۆ زاڭ جوباسىنا ەنگىزىلگەن جاڭاشىلدىقتار مەن جويىلعان قۇقىقتىق كەمشىلىكتەرگە دە توقتالدى، دەپ حابارلايدى aqshamnews.kz
ەندى قايتارۋعا جاتپايتىن تاۋارلار تىزىمىنەن مەديسينالىق بۇيىمدار، ۇيالى بايلانىستىڭ ابونەنتتىك قۇرىلعىلارى الىنىپ تاستالدى. اۆيابيلەتتەردى ساتىپ الۋ جانە تۋريستىك قىزمەت كورسەتۋ تۋرالى شارتتار بويىنشا 100 پايىز قايتارىلمايدى دەگەن ۇعىم الىنىپ تاستالدى. سونداي-اق نەسيەگە ساتىپ العان تاۋارلاردى قايتارۋ شارتتارى بەلگىلەندى.
ايتا كەتەيىك، تۇتىنۋشىلاردىڭ قۇقىقتارىن قورعاۋ تۋرالى زاڭعا سوڭعى تۇزەتۋلەر ءتورت جىل بۇرىن ەنگىزىلگەن. ءبىراق ءىس جۇزىندە ونىڭ قازىرگى ۋاقىت تالابىنا سايكەس كەلمەيتىنى جانە كەمشىلىكتەرى كوبەيدى. سوندىقتان بۇگىن ماجىلىستە جاڭا تۇزەتۋلەر ەنگىزۋ كەرەكتىگى ايتىلدى.
جالپى 2021 جىلى تۇتىنۋشىلاردىڭ قۇقىقتارىن قورعاۋ كوميتەتىنە تۇتىنۋشىلاردىڭ 25 مىڭ ءوتىنىشى كەلىپ ءتۇستى، 2022 جىلى 30 مىڭ، 2023 جىلى ولاردىڭ سانى 51 مىڭعا دەيىن ءوستى. تۇتىنۋشىلاردىڭ ەلەكتروندىق ساۋدا سالاسىنداعى بۇزۋشىلىقتارعا قاتىستى شاعىمدارى 2023 جىلى 7732 شاعىم ءتۇستى، - دەپ حابارلادى ساۋدا جانە ينتەگراسيا مينيسترلىگى.