اتالعان ماسەلە بويىنشا زاۋىتتىڭ ديرەكتورلار كەڭەسىنىڭ ءتوراعاسى شۋحراد شاردينوۆ اتوم ەلەكتر ستانسياسىنىڭ قۇرىلىسى ەلىمىزدىڭ ەنەرگەتيكالىق تاۋەلسىزدىگىن قامتاماسىز ەتۋدەگى ماڭىزدى قادام ەكەنىن اتاپ ءوتتى، دەپ حابارلايدى aqshamnews.kz
- اەس قۇرىلىسى نە؟ بۇل ءبىز ءۇشىن، ياعني وندىرىسشىلەر ءۇشىن، ءوز نىسانىمىزدى دامىتۋداعى قۋاتتى سەرپىن. ءبىز ءبارىمىز اەس قۇرىلىسى – ەلىمىزدىڭ ەنەرگەتيكالىق قاۋىپسىزدىگى، ەلەكتر ەنەرگياسىمەن قامتاماسىز ەتۋ، جاڭا جۇمىس ورىندارىن اشۋ، جاڭا كاسىپورىندار مەن وندىرىستەر سالۋ ەكەنىن جاقسى تۇسىنەمىز، – دەپ اتاپ ءوتتى زاۋىت باسشىسى.
شۋحراد شاردينوۆتىڭ ايتۋىنشا، ۇلتتىق جوبانىڭ ماقساتى – ەلدىڭ تۇراقتى جانە سەنىمدى ەنەرگيامەن قامتاماسىز ەتۋىنە بارىنشا مۇمكىندىكتەر قاراستىرۋ. اتوم ەلەكتر ستانسياسى قازاقستاننىڭ ۇزاق مەرزىمدى ەنەرگەتيكالىق دامۋ ستراتەگياسىنداعى ماڭىزدى ەلەمەنت بولا الادى جانە ەكونوميكانىڭ قارقىندى ءوسىپ كەلە جاتقان قاجەتتىلىكتەرىن قاناعاتتاندىرۋى مۇمكىن. باستامانىڭ اۋقىمىن تۇسىنە وتىرىپ، ازمك-نىڭ ەڭبەك ۇجىمى ءوندىرىس الاڭىندا جينالىپ، بۇل ماسەلەدە وزدەرىنىڭ بىرلىگىن كورسەتتى.
- ءبىز بارلىق قازاقستاندىقتاردى 6 قازاندا وتەتىن رەفەرەندۋمعا كەلىپ، ەلىمىزدىڭ اۋماعىندا اەس سالۋدى قولداۋعا شاقىرامىز، – دەدى شۋحراد شاردينوۆ.
