استانادا تەننيستەن 14-15 قىركۇيەك كۇندەرى قازاقستان قۇراماسى ديەۆيس كۋبوگىنىڭ ءبىرىنشى الەمدىك توبىندا دانيامەن ماچ وتكىزەتىن بولدى، دەپ حابارلايدى aqshamnews.kz
يۋريي ششۋكين باستاعان باپكەرلەر توبى كەزدەسۋدە ەل نامىسىن قورعايتىن ويىنشىلار ءتىزىمىن مالىمدەدى.
قازاقستان قۇراماسى الەكساندر بۋبليك، الەكساندر شيەۆچەنكو، بەيبىت جۇقايەۆ، تيموفەي سكاتوۆ جانە الەكساندر نەدوۆەسوۆ سىنعا تۇسەتىن بولدى.
ال دانيا قۇراماسىنىڭ كاپيتانى فرەدريك نيلسەن اۋگۋست حولمگرەن، يوحاننەس ينگيلدسەن، ەلمەر مەللەر، فيليپپ حەرت جانە كريستيان سيگسگاارد سىندى ارىپتەستەرىنە سەنىم ارتىپ وتىر.
سونداي-اق، دانيا قۇرامىندا الەمنىڭ 15-راكەتكاسى حولگەر رۋنە وينامايدى.
ديەۆيس كۋبوگى كەزەڭىندەگى ويىندار استاناداعى Beeline Arena ورتالىعىنىڭ حارد توسەنىشىندەگى كورتتاردا وتەدى. سونىمەن بىرگە، بۇل ىرىكتەۋ ماچتارى ءۇش سەتتىك فورماتتا ءتورت جەكەلەي جانە ءبىر جۇپتىق كەزدەسۋ بويىنشا جالعاسادى.
تۋرنير ناتيجەسىندە قازاقستان – دانيا كەزدەسۋىنىڭ جەڭىمپازى 2025 جىلى اقپاندا وتەتىن كوماندالىق الەم چەمپيوناتىنىڭ ىرىكتەۋ كەزەڭىنە جولداما الماق.