اتىراۋدا جالعان ۆاكسينا پاسپورتىن دايىنداعان ەمحانا قىزمەتكەرى ۇستالدى، دەپ حابارلايدى almaty-akshamy.kz Polisia.kz سىلتەمە جاساپ.
31 شىلدە كۇنى جەدەل ىزدەستىرۋ ءىس-شارالارى بارىسىندا اتىراۋ وبلىسى پوليسيا دەپارتامەنتىنىڭ قىزمەتكەرلەرى اتىراۋ وبلىستىق اكىمدىگى مەن پروكۋراتۋراسىمەن بىرلەسىپ Egov.kz اقپارات جۇيەسىنە “Covid-19” ۆاكسيناسىن الۋ تۋرالى اقپاراتتى ناقتى ەگىلمەگەن ادامدارعا اقشالاي سىياقى ءۇشىن ەنگىزۋمەن اينالىسقان 1981 ج.ت. مەديسينالىق قىزمەتكەردى انىقتاپ، ۇستادى.
كىناسىن مويىنداعان كۇدىكتى جالعان اقپارات ەنگىزۋ ءۇشىن 10 مىڭ تەڭگە العانىن ايتقان. اتالعان فاكت بويىنشا ق ر قىلمىستىق كودەكسىنىڭ 206-بابى 1-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە.
وزگە اقپارات، ق ر قىلمىستىق-پروسەستىك كودەكسىنىڭ 201-بابىنا سايكەس، جاريالانۋعا جاتپايدى.