جيىن V دۇنيەجۇزىلىك كوشپەندىلەر ويىندارى قارساڭىندا ءوتتى
V دۇنيەجۇزىلىك كوشپەندىلەر ويىندارى قارساڭىندا اسىق اتۋدان قازاقستان ۇلتتىق قۇراماسى شولپان اتا قالاسىندا قىرعىزستان قۇراماسىمەن بىرلەسكەن وقۋ-جاتتىعۋ جيىنىن وتكىزدى، دەپ حابارلايدى اlmaty-akshamy.kz.
سونداي-اق قازاقستان قۇراماسىنىڭ سپورتشىلارى ىستىقكولدە وتكەن VIII حالىقارالىق «قىرعىزستان بەرمەتي» سپورت فەستيۆالىنە قاتىسىپ، قىرعىزدىڭ وردو ويىنى بويىنشا جارىستان قولا مەدال جەڭىپ الدى.
الداعى كۇزدە استانادا وتەتىن 5ء-شى دۇنيەجۇزىلىك كوشپەندىلەر ويىندارىنىڭ باعدارلاماسىنا ءدال وسى وردو ويىنىنىڭ ەنگەنىن ەسكەرسەك، بۇل – ءبىز ءۇشىن وتە ماڭىزدى جەتىستىك ، - دەدى اسىق اتۋدان قازاقستان ۇلتتىق قۇراماسىنىڭ باس باپكەرى جومارت سابىرجان ۇلى.
ەسكە سالا كەتسەك، رەسپۋبليكالىق اسىق اتۋ فەدەراسياسى ۇلتتىق سپورت قاۋىمداستىعىنىڭ قۇرامىنا كىرەدى. قاۋىمداستىق قۇرامىندا بۇدان وزگە، «بايگە»، «كوكپار»، «اۋدارىسپاق»، «ساداق اتۋ»، «تەڭگە ءىلۋ»، «قۇسبەگىلىك»، «جامبى اتۋ»، «JORYQ» ات سپورتى جانە ت.ب. فەدەراسيالار بار. ۇلتتىق سپورت قاۋىمداستىعىن بەلگىلى كاسىپكەر، مەسەنات، «Altyn Qyran Foundation» قوعامدىق قورى قامقورشىلىق كەڭەسىنىڭ ءتوراعاسى يسلامبەك سالجانوۆ باسقارادى.