بۇگىن – استانا كۇنى. بيىل ەلوردامىزعا 24 جىل. وسى ۋاقىت ىشىندە قالا تۇرعىندارىنىڭ سانى 4 ەسە ءوستى، دەپ حابارلايدى Almaty-akshamy.kz Inform.kz-كە سىلتەمە جاساپ.
بيۋرو ۇسىنعان مالىمەتكە سايكەس، 1998 جىلى ەل استاناسى اتانعان اقمولا قالاسىندا 326 مىڭ ادام تۇرعان. سودان بەرى ەلوردا تۇرعىندارىنىڭ سانى 4 ەسەگە جۋىق ءوسىپ، ءقازىر 1 ملن 262 مىڭ ادامعا جەتتى. استانادا 24 جىل بۇرىنعىداي ايەلدەردىڭ سانى باسىم.
ەگەر سول ۋاقىتتا قالادا 174 مىڭ ايەل جانە 152 مىڭ ەر ادام تۇرعان بولسا، ءقازىر ايەلدەر سانى – 657 مىڭ (52%)، ەرلەر – 605 مىڭ (48%).
1998 جىلى ەلوردادا 3 400 بالا دۇنيەگە كەلسە، 2021 جىلى 31 مىڭ بالا تۋعان، وسىلايشا تۋۋ كوەففيسيەنتى 11-دەن 25،9-عا (مىڭ ادامعا شاققاندا) دەيىن ءوستى.
1998 جىلى قالادا 48 جالپى ءبىلىم بەرەتىن مەكتەپ جۇمىس ىستەگەن. ءقازىر ولاردىڭ سانى – 147. ال، اۋرۋحانا ۇيىمدارىنىڭ سانى 15-تەن 45-كە دەيىن ارتتى.