بيىل وتاندىق دەسانتتىق-شابۋىلداۋ اسكەرىنىڭ قۇرىلعانىنا 22 جىل تولىپ وتىر، دەپ حابارلايدى Almaty-akshamy.kz Inform.kz-كە سىلتەمە جاساپ.
2000 جىلعى 6 شىلدەدە مەملەكەت باسشىسىنىڭ جارلىعىمەن ق ر قارۋلى كۇشتەرىندە ۇتقىر كۇشتەر قۇرىلدى، ولار كەيىن اەروۇتقىر اسكەرلەرى بولىپ وزگەردى. ال 2017 جىلى زامان تالابىنا ساي دەسانتتىق-شابۋىلداۋ اسكەرلەرى بولىپ قايتا جاساقتالدى. قازىرگى ۋاقىتتا دەسانتتىق-شابۋىلداۋشى اسكەرلەر – جوعارى ءموبيلدى جانە سوڭعى ۇلگىدەگى تەحنيكامەن جابدىقتالعان، نەگىزگى كۇشتەردەن، ونىڭ ىشىندە جاۋ تىلىندا باسقا دا تاپسىرمالاردى ءوز بەتىنشە ورىنداۋعا قابىلەتتى اسكەر تەگى. ولاردىڭ جاۋىنگەرلىك قۋاتىن دەسانتتىق-شابۋىلداۋ، ارتيللەريالىق، بارلاۋ، بىتىمگەرلىك قۇرامالارى، بولىمدەر مەن بولىمشەلەر قۇرايدى.
دەسانتتىق-شابۋىلداۋ اسكەرلەرى بارلىق وقۋ-جاتتىعۋلارعا، سونىڭ ىشىندە حالىقارالىق جاتتىعۋلارعا ۇنەمى قاتىسادى. اتاپ وتسەك، ولار ارميا حالىقارالىق ويىندارىندا ناتيجەلى ونەر كورسەتىپ ءجۇر. دەسانتشى-جاۋىنگەرلەر ءاردايىم وزدەرىنىڭ جوعارى دايىندىق دەڭگەيىن، كاسىبي شەبەرلىكتەرىن، اسا كۇردەلى تاپسىرمالاردى ورىنداۋعا قابىلەتتىلىگىن كورسەتىپ كەلەدى.
اۋە-دەسانتى دايىندىعى – بۇل اسكەر تەگىنىڭ ماڭىزدى قۇرامداس بولىگى. كوك تارلاندارى كۇندىز دە، تۇندە دە، ءتىپتى كۇردەلى مەتەورولوگيالىق جاعدايلاردا دا پاراشيۋتپەن سەكىرۋ تاپسىرماسىن ورىندايدى.
بىتىمگەرلىك قىزمەت اتقارۋدا دا دەسانتتىق-شابۋىلداۋ اسكەرلەرىنىڭ قوسقان ۇلەسى زور. «قازپولك» اسكەري قىزمەتشىلەرى 2003-2008 جىلدار ارالىعىندا يراكتاعى بىتىمگەرلىك ميسسياعا قاتىستى. 2018 جىلدان باستاپ «قازپولك» جانە «تىلەندييەۆ» بىتىمگەرلىك دايىندىق ورتالىعى بازاسىندا قازاقستاندىق بىتىمگەرلەردى، بۇۇ-نىڭ ليۆانداعى ۋاقىتشا كۇشتەر كونتينگەنتىنىڭ قۇرامىندا ميسسيالارعا قاتىسۋ ءۇشىن دايارلاۋ ءجۇرىپ جاتىر.
دەسانتتىق-شابۋىلداۋ اسكەرلەرىندە قىزمەت ەتۋ قاشاندا ابىرويلى مىندەت. بولىمدەر مەن بولىمشەلەردى جاساقتاۋعا قاتاڭ ىرىكتەۋ جۇرگىزىلەدى. مۇندا وتان الدىنداعى بورىشىن وتەۋگە كەلگەن مەرزىمدى اسكەري قىزمەتشىلەردىڭ سپورتتىق رازريادتارى بار جانە پسيحولوگيالىق تۇراقتىلىق دەڭگەيى جوعارى. دەسانتشىلار قانداي تاپسىرمالاردى ورىنداسا دا، انىق ءارى شەبەر ءىس-قيمىل جاساپ، باتىلدىق پەن ەپتىلىك كورسەتەتىن، شىدامدىلىعى مەن جاۋىنگەرلىك ماشىعى مىقتى، كەز كەلگەن ساتتە ەگەمەن قازاقستاندى قورعاۋعا ءازىر ناعىز جاۋىنگەرلەر.