اباي وبلىسى ءۇرجار اۋدانىندا الاكول جاعالاۋىنداعى ورتكە بايلانىستى سوتقا دەيىنگى تەرگەۋ امالدارى باستالدى، دەپ حابارلايدى Almaty-akshamy.kz Inform.kz-كە سىلتەمە جاساپ.
شقو توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 4 شىلدە كۇنى 23:20-دا ءۇرجار اۋدانىندا الاكول جاعاسىنداعى «كەرۋەن» دەمالىس بازاسىنان ءورت شىققان. اتالعان بازاداعى ەكى عيمارات، ءبىر كىر جۋاتىن ورىن مەن جەتى ساياجاي وتقا وراندى.
«سونداي-اق، ءتىلسىز جاۋ «ايگەرىم» دەمالىس بازاسىندا – 4 ءۇيدى، «جىبەك جولى» بازاسىنىڭ اۋماعىندا – ءۇي مەن مونشانى، «ءاليحان» بازاسىندا – 8 عيمارات پەن اسحانانى شارپىدى. ءورتتىڭ نەدەن شىققانى ءالى بەلگىسىز. ماماندار ءورتتىڭ سەبەبىن انىقتاۋ ءۇشىن ءتيىستى جۇمىستارعا كىرىستى»، - دەلىنگەن اقپاراتتا.
قازىرگى ۋاقىتتا الاكولدەگى الاپات ورتكە قاتىستى سوتقا دەيىنگى تەرگەۋ امالدارى باستالدى.