استانا قالاسىندا پوليسەيلەر مەكتەپ وقۋشىسىنان تەلەفون ۇرلاعان قالتا ۇرىسىن ۇستادى. انىقتالعانداي، وقيعا مەكتەپ وقۋشىسى ساباقتان كەيىن ۇيىنە قايتىپ كەلە جاتقان كەزدە بولعان، دەپ حابارلايدى Aqshamnews.kz ءتىلشىسى.
اۆتوبۋسقا ءمىنۋ بارىسىندا ول ادامدار كوپ جينالعان ورتادا قالىپ، جانىندا ءبىر ەر ادام تۇرعان. ءساتتى پايدالانعان كۇدىكتى ءوزىن دە كولىككە مىنگەلى جاتقانداي كورسەتىپ، قىز بالانىڭ كۇرتەسىنىڭ قالتاسىنان Vivo ماركالى ۇيالى تەلەفونىن بىلدىرتپەي الىپ، وقيعا ورنىنان ءىزىن سۋىتقان.
تەلەفوننىڭ جوعالعانىن قىز اۆتوبۋستان تۇسەر كەزدە عانا بايقاعان. جەدەل-ىزدەستىرۋ ءىس-شارالارى بارىسىندا پوليسيا قىزمەتكەرلەرى بۇرىن سوتتى بولعان 29 جاستاعى شەتەل ازاماتىن انىقتاپ، ۇستادى.
ۇرلانعان تەلەفون تاركىلەنىپ، يەسىنە قايتارىلدى. كۇدىكتى ۋاقىتشا ۇستاۋ يزولياتورىنا قامالدى. اتالعان دەرەك بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.