اۋىل شارۋاشىلىعى مينيسترلىگى 31 جەلتوقساننان باستاپ قازاقستاننان ەتتى ءۇشىنشى ەلدەرگە جانە ەاەو ەلدەرىنە شىعارۋعا ارنالعان كۆوتا ءبولۋ ەرەجەلەرى كۇشىنە ەنەتىنىن مالىمدەدى، دەپ حابارلايدى Aqshamnews.kz ءتىلشىسى.
«وسى نورما 2026 جىلعى 30 ماۋسىمعا دەيىن قولدانىستا بولادى. ءىرى قارا مال ەتىن اكەتۋگە ارنالعان كۆوتانىڭ جالپى كولەمى 20 000 توننانى قۇرايدى»، - دەلىنگەن حابارلامادا.
ءبىر تۇلعاعا بەلگىلەنەتىن كۆوتا مولشەرى بورداقىلاۋ الاڭىنىڭ قۋاتتىلىعىنا بايلانىستى ايقىندالادى:
- بورداقىلاۋ الاڭىنىڭ قۋاتتىلىعى 5 000 باستان باستاپ — 1 000 توننا؛
- بورداقىلاۋ الاڭىنىڭ قۋاتتىلىعى 10 000 باستان باستاپ — 2 مىڭ توننا؛
- بورداقىلاۋ الاڭىنىڭ قۋاتتىلىعى 15 000 باستان باستاپ — 3 مىڭ توننا؛
- بورداقىلاۋ الاڭىنىڭ قۋاتتىلىعى 20 000 باستان باستاپ — 4 مىڭ توننا؛
- بورداقىلاۋ الاڭىنىڭ قۋاتتىلىعى 50 000 باستان باستاپ — 10 مىڭ توننا.
كۆوتا ەت وڭدەۋ كاسىپورنىنىڭ ءىرى قارا مال ەتىنە بولىنەدى.