مەملەكەت باسشىسى قاسىم-جومارت توقايەۆتىڭ ءبىلىم بەرۋ سالاسىن دامىتۋعا باعىتتالعان ستراتەگيالىق تاپسىرماسى بويىنشا، ەلىمىزدەگى تۇڭعىش جوعارى وقۋ ورنى – اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ استانا قالاسىندا ءبىلىم بەرۋ ينستيتۋتىنىڭ تۇساۋى كەسىلدى. وعان ق ر عىلىم جانە جوعارى ءبىلىم ۆيسە-ءمينيسترى گۇلزات كوبەنوۆا، اباي اتىنداعى قازۇپۋ باسقارما توراعاسى-رەكتور بولات تىلەپ جانە وقىتۋشى-پروفەسسورلار، ستۋدەنتتەر قاتىستى. اباي ۋنيۆەرسيتەتى ءبىلىم بەرۋ ينستيتۋتىنىڭ اشىلۋى استانا قالاسى مەن سولتۇستىك وڭىردەگى پەداگوگيكالىق كادر تاپشىلىعىن جويۋعا باعىتتالعان ماڭىزدى جوبالاردىڭ ءبىرى.
قازىرگى تاڭدا رەسپۋبليكا بويىنشا 70 مىڭنان اسا گۋمانيتارلىق، باستاۋىش، جاراتىلىستانۋ جانە ماتەماتيكا پاندەرىنىڭ مۇعالىمدەرى قاجەت. ال ەڭبەك جانە حالىقتى الەۋمەتتىك قورعاۋ مينيسترلىگىنىڭ دەرەگىنە سۇيەنسەك، 2025-2035 جىلدار ارالىعىندا ءبىلىم سالاسىنا مامان قاجەتتىلىگى 447 مىڭعا دەيىن ارتادى دەپ كۇتىلۋدە. وسى قاجەتتىلىكتى ەسكەرە وتىرىپ، ەلوردادا قازاقستان جانە ورتالىق ازياداعى كوشباسشى پەداگوگيكالىق وقۋ ورىنى – اباي ۋنيۆەرسيتەتىءنىڭءبىلىم بەرۋ ينستيتۋتى ءبىلىم الۋشىلارعا ەسىگىن ايقارا اشتى. ماقساتى – استانا قالاسى مەن سولتۇستىك ءوڭىردىڭ ءبىلىم وشاقتارىنا زاماناۋي بىلىكتى دە ساپالى ماماندار دايارلاپ، سۇرانىستى قاناعاتتاندىرۋ.
ءبىلىم بەرۋ ينستيتۋتىنىڭ تۇساۋكەسەر راسىمىندە ءسوز سويلەگەن ق ر عىلىم جانە جوعارى ءبىلىم ۆيسە-مينيسترى گۇلزات ءىزباسار قىزى:
– بۇل ءبىلىم بەرۋ ينستيتۋتىنىڭ اشىلۋى پرەزيدەنت تاپسىرماسى بويىنشا جۇزەگە اسىپ وتىر. بىلتىر اباي اتىنداعى قازۇپۋ جانە ل.گۋميليەۆ اتىنداعى ەۇۋ كونسورسيۋمى نەگىزىندەجۇمىستى باستاعانى بەلگىلى. بيىل اباي ۋنيۆەرسيتەتىنىڭ سول ينستيتۋتى جەكە ءوز الدىنا شاڭىراق كوتەردى. وعان عيمارات ءبولىپ، جاعداي جاساعان استانا قالاسىنىڭ اكىمىنە جانە باسى-قاسىندا بولعان اباي ۋنيۆەرسيتەتىنىڭ باسشىلىعىنا زور العىسىمدى بىلدىرەمىن، – دەدى.
تۇلعا عانا ەمەس، تۇلعا تاربيەلەيتىن ۇستاز قالىپتاستىرۋدى باستى ميسسياسى ەتىپ العان اباي ۋنيۆەرسيتەتىنىڭ ءبىلىم بەرۋ ينستيتۋتى قازىرگى زامانعى وزىق تەحنولوگيالارمەن جابدىقتالعان.بءىلىم وشاعىندا 9 ءبىلىم بەرۋ باعدارلاماسى بويىنشا 400-دەن استام ستۋدەنت وقيدى. ولاردىڭ 288ء-ى مەملەكەتتىك گرانت نەگىزىندە وقىسا، 133ء-ى استانا قالاسى اكىمىنىڭ گرانتى. وقۋ باعىتتارى اراسىندا اقپاراتتىق، ماتەماتيكا، جاراتىلىستانۋ، پسيحولوگيا جانە اسا سۇرانىسقا يە ارنايى پەداگوگيكالىق ماماندىقتار: دەفەكتولوگيا، لوگوپەديا، تيفلوپەداگوگيكا، سۋردوپەداگوگيكا، ت.ب. بار. وقىتۋشى-پروفەسسورلار قۇرامىندا 3 عىلىم دوكتورى، 4 عىلىم كانديداتى جانە 2 PhD دارەجەسىنە يە عالىم، جالپى سانى 31 تاجىريبەلى مامان قىزمەت اتقارۋدا.
اباي اتىنداعى قازۇپۋ-دىڭ باسقارما توراعاسى-رەكتور بولات تىلەپ جاڭا عيماراتقا كىرىپ، قۋانىشتارى قوينىنا سىيماي تۇرعان ستۋدەنت جاستارعا:
– سىزدەر پرەزيدەنتتىڭ تىكەلەي تاپسىرماسىمەن دايىندالىپ جاتقان كادر بولعاندىقتان، ەرتەڭگى مەملەكەت بولاشاعىنا قىزمەت ەتەتىن ساپالى مامان بولۋلارىڭىز كەرەك، – دەگەن اقجارما تىلەگىن جەتكىزدى.
قازىردە اباي اتىنداعى قازۇپۋ مەن استانا قالاسى اكىمدىگى ءوزارا تىعىز بايلانىستا جۇمىس ىستەپ جاتىر. ەكىجاقتى قول قويىلعان مەموراندۋمعا سايكەس، ۋنيۆەرسيتەت ستۋدەنتتەرى جىل سايىن استانا مەكتەپتەرىندە تاجىريبەدەن وتەدى. بىلتىر 200-دەن استام شاكىرت تەوريالىق بىلىمدەرىن تاجىريبەمەن ۇشتاستىرۋعا مۇمكىندىك الدى. بولاشاقتا وسى پەداگوگيكالىق ماماندار استانا مەن سولتۇستىك وڭىردەگى كادر تاپشىلىعى سۇرانىسىنا تولىقتاي جاۋاپ دەگەن ءۇمىت باسىم.