وتىنىمدەردى قابىلداۋدىڭ جاڭا كەزەڭى بيىل قاراشادا باستالادى، دەپ حابارلايدى aqshamnews.kz
داعدارىسقا قارسى شارالار اياسىندا قازاقستاندا سۋبسيديالانعان تۇرعىن ءۇي باعدارلامالارىن قولداۋدى جالعاستىرۋ تۋرالى شەشىم قابىلداندى. بۇل ماقساتتا "ناۋرىز" جانە "ناۋرىز جۇمىسكەر" يپوتەكالىق باعدارلامالارىنا قوسىمشا 500 ملرد تەڭگە ءبولىندى.
"كرىشا" پورتالىنىڭ حابارلاۋىنشا، باعدارلامالار بويىنشا ءوتىنىم قابىلداۋدىڭ جاڭا كەزەڭى 2025 جىلدىڭ قاراشاسىنا جوسپارلانعان، ءبىراق وعان قاتىسۋ شارتتارى كەيىنىرەك حابارلانادى.
"ءقازىر ونىڭ مەحانيزمدەرى ويلاستىرىلىپ جاتىر: جاڭا كونكۋرسقا وتىنىمدەر قابىلداي باستايمىز نەمەسە ناۋرىز ايىندا قاتىسقان، ءبىراق شارتتارعا ساي كەلمەگەندەرگە نەسيە بەرەمىز"، - دەدى "وتباسى بانكى" اق باسقارما ءتورايىمى ءلاززات يبراگيموۆا.
ايتا كەتۋ كەرەك، باعدارلاماعا قاتىساتىن قۇرىلىس سالۋشىلار الداعى ءۇش جىلدا سالىنىپ جاتقان پاتەرلەرىنىڭ باعاسىن وسى دەڭگەيدە ۇستاپ تۇرۋ تۋرالى كەلىسىمدەرگە قول قويادى.
ەستەرىڭىزگە سالا كەتەيىك، "ناۋرىز" جانە "ناۋرىز جۇمىسكەر" باعدارلامالارىنىڭ شارتتارى تومەندەگىدەي:
7 پايىزدىق مولشەرلەمە – حالىقتىڭ الەۋمەتتىك وسال توبى ساناتىنداعى ازاماتتار ءۇشىن، باسقا قازاقستاندىقتار ءۇشىن مولشەرلەمە – 9 پايىز؛
باستاپقى جارنا: ارلەنگەن پاتەرلەر ءۇشىن 10 پايىز، جوندەۋسىز ساتىپ الىناتىن پاتەرلەر ءۇشىن 20 پايىز ؛
نەسيە سوماسى: الماتى مەن استانا قالالارىنا 36 ملن تەڭگەگە دەيىن، باسقا وڭىرلەرگە 30 ملن تەڭگەگە دەيىن؛
الماتى مەن استانادا تەك جاڭا تۇرعىن ءۇي ساتىپ الۋعا بولادى، ال باسقا ايماقتاردا – كەز كەلگەن تۇرعىن ءۇي، سونىڭ ىشىندە قايتالاما نارىقتاعى جەكە ۇيلەردى الۋعا بولادى؛
قارىز الۋشىنىڭ سوڭعى 5 جىلدا جەكە باسپاناسى بولماۋى كەرەك؛
قاتىسۋشىنىڭ "وتباسى بانكىندە" كەمىندە 2 ملن تەڭگە دەپوزيتى بولۋى كەرەك.
بۇل رەتتە "ناۋرىز جۇمىسكەر" يپوتەكاسىنا ونەركاسىپ، ەنەرگەتيكا، كولىك، اۋىل شارۋاشىلىعى، سۋ رەسۋرستارى سالالارىنىڭ ماماندارى قاتىسا الادى.
ەستەرىڭىزگە سالا كەتەيىك، قازاقستاندا اسكەري قىزمەتكەرلەرگە ارنالعان "اسكەري باسپانا" يپوتەكالىق باعدارلاماسى قايتا اشىلادى. تولىق اقپارات 20 قازاندا جاريالانادى.