الماتى قالاسى بوستاندىق اۋدانىنىڭ 1000-نان استام وقۋشىسى رەسپۋبليكا كۇنىمەن قازاقستاندىقتاردى كرەاتيۆتى تۇردە قۇتتىقتادى!
قازاقستان رەسپۋبليكاسىنىڭ مەملەكەتتىك ەگەمەندىگى تۋرالى دەكلاراسيانىڭ قابىلدانعانىنا 35 جىل تولۋىنا وراي
بوستاندىق اۋدانىنىڭ وقۋشىلارى «رەسپۋبليكا كۇنىمەن!» اتتى جارقىن فلەشموبقا قاتىستى.
الاڭدى قۋانىش پەن شاتتىق سەزىمى، بالالاردىڭ كۇلكىسى مەن وتانسۇيگىش رۋح كەرنەدى.
ءبارى ءبىر جۇرەكتىڭ دۇرسىلىنە اينالدى — ءبىزدىڭ تاۋەلسىز رەسپۋبليكا جۇرەگى!
1000-نان استام وقۋشى مەن ۇستاز وتانعا دەگەن سۇيىسپەنشىلىگىن، بىرلىگىن جانە قازاقستاننىڭ جارقىن بولاشاعىنا دەگەن سەنىمىن ءبىلدىردى.
بالالار فلەشموبقا زور قۋانىشپەن، ماقتانىش سەزىمىمەن جانە جوعارى پاتريوتتىق رۋحپەن قاتىستى.
«مەن قازاقستاندى جاقسى كورەمىن، ويتكەنى بۇل مەنىڭ تۋعان ەلىم!»، — دەيدى №105 گيمنازيانىڭ 11-سىنىپ وقۋشىسى شۋكيربەكوۆا مەدينا.
«بۇگىن ءبىز بىرگە ءان ايتىپ، بي بيلەپ، ءوز ەلىن سۇيەتىن ناعىز قازاقستاندىق ەكەنىمىزدى كورسەتتىك»، — دەپ ءبولىستى №145 مەكتەپ-گيمنازيانىڭ 9-سىنىپ وقۋشىسى بەكبولات دانا.
فلەشموب دوستىق پەن بىرلىكتىڭ، جاس ۇرپاقتىڭ ەلگە دەگەن ماقتانىش سەزىمىنىڭ ايعاعىنا اينالدى.
بوستاندىق اۋدانىنىڭ ءبىلىم بەرۋ ءبولىمىنىڭ باسشىسى قاسىمبەك ايگۇل جۇمابەك قىزى اتاپ وتكەندەي، مۇنداي ءىس-شارالار جاس ۇرپاقتىڭ بويىندا پاتريوتتىق رۋح پەن ەل تاريحىنا دەگەن قۇرمەت سەزىمىن قالىپتاستىرادى.