Astana Qazaqstan Team شاباندوزى سيمونە ۆەلاسكو كومانو تەرمەدە وتكەن 227 شاقىرىمدىق توپتىق جارىستا جەڭىسكە جەتىپ، يتاليانىڭ جاڭا چەمپيونى اتاندى.
ۆەلاسكو جارىس جولىنىڭ فينالدىق بولىگىندە پەلوتوننان ءبولىنىپ شىعىپ، كوشباسشىلاردىڭ شاعىن توبىنان سپرينتتە العا وزىپ، تيتۋلدى جەڭىپ الدى.
"بۇل وتە قيىن جارىس بولدى. ءبىراق، كوماندامەن بىرگە قاجەتتى جولمەن ەڭسەردىك. ءبىز بارلىق ۋاقىتتا الدا بولدىق. تىنباي ەڭبەك ەتتىك. جاعدايدى باقىلاپ وتىردىق. الدىمەن لەوناردو باسسو ۇزاق ۋاقىت بويى كوش باسىندا كەرەمەت جۇمىس جاسادى. سودان كەيىن باسقا جىگىتتەر ماعان ۇلكەن قولداۋ كورسەتتى. سونداي-اق، سامۋەلە باتتيستەللا تاماشا جۇمىس جاسادى. بۇل ماعان جارىستىڭ سوڭعى بولىگىندە بار كۇشىمدى جانە سەرگەكتىكتى ساقتاۋعا مۇمكىندىك بەردى. كۇش بىرىكتىرىپ، ءبىر ۇجىم بولىپ جارىس كۇنىن كەرەمەت وتكىزدىك. مەن جەڭىسكە جەتكەنىمە وتە قۋانىشتىمىن جانە ماقتان تۇتامىن. بۇل مەن ءۇشىن بولاشاققا ۇلكەن موتيۆاسيا بولدى، جۇمىستى جالعاستىرۋعا جانە جاڭا ۇلكەن ماقساتتارعا ۇمتىلۋعا جىگەرلەندىرەدى"، - دەدى سيمونە ۆەلاسكو.
ۆەلاسكو ءۇشىن بۇل اعىمداعى ماۋسىمداعى ەكىنشى جەتىستىك. بۇعان دەيىن ول "ۆالەنسيا ۆۋەلتاسىنىڭ" ءۇشىنشى كەزەڭىندە جەڭىسكە جەتتى. Astana Qazaqstan Team كومانداسىنىڭ ەكى شاباندوزى كريستيان سكاروني (9-ورىن) مەن سامۋەلە باتتيستەللا (10-ورىن) دا جارىستىڭ ۇزدىك وندىعىنا ەندى.