اقمولا وبلىسىندا جوعالعان پوليسيا قىزمەتكەرىنىڭ دەنەسى كوكشەتاۋدان تابىلدى، دەپ حابارلايدى وبلىستىق پوليسيا دەپارتامەنتىنىڭ باسپا ءسوز قىزمەتى
ۆەدومستۆونىڭ مالىمەتىنشە، جوعالعان ادامنىڭ دەنەسى بۇگىن ساعات 9:15-تە قىلشاقتى وزەنى اۋماعىندا جۇرگىزىلگەن ىزدەستىرۋ شارالارى بارىسىندا تەرەڭدىگى 2 مەتر بولاتىن قازانشۇڭقىردان تابىلدى.
«ەر ادامنىڭ دەنەسىنەن زورلىق-زومبىلىق بەلگىلەرى انىقتالعان جوق. ساراپتاما تاعايىندالدى، سونىڭ قورىتىندىسى بويىنشا پروسەسسۋالدىق شەشىم قابىلدانادى. پوليسيا دەپارتامەنتىنىڭ باسشىلىعى مەن جەكە قۇرامى ءوزىنىڭ ارىپتەسى، پوليسيا پودپولكوۆنيگى تۇرار تۇرار ۇلى دۇيسەمبيننىڭ مەزگىلسىز قايتىس بولۋىنا بايلانىستى تۋىستارى مەن جاقىندارىنا كوڭىل ايتادى»، - دەلىنگەن حابارلامادا.