موحناتكا تاۋىنىڭ ماڭىندا دەمالعان توپتىڭ قۇرامىندا بولعان 14 جاسار جاراقاتتانعان ءتۋريستى قالامىزدىڭ قۇتقارۋ قىزمەتى سەنبى كۇنى قۇتقارىپ قالدى، دەپ حابارلايدى Almaty-akshamy.kz.
الماتى قالاسى اكىمى اپپاراتىنىڭ شجق «الماتى قالاسىنىڭ قۇتقارۋ قىزمەتى» مكك باسپا ءسوز قىزمەتىنىڭ مالىمەتىنشە، تاۋدا جاراقاتتانعان ءجاسوسپىرىم تۋرالى مالىمەتتى الماتى قالاسىنىڭ قۇتقارۋ قىزمەتىنە قالالىق تجد كەزەكشىسى 16 ساعات 25 مينۋتتا تاپسىرعان. كىشى الماتى شاتقالىنا 109 قىزمەتىنىڭ تاۋ بازاسىنان قۇتقارۋشىلاردان تۇراتىن ەكيپاج بىردەن اتتاندى.
تىزەدەن جاراقات العان زارداپ شەگۋشىگە العاشقى كومەك كورسەتىلگەننەن كەيىن ول تاۋدىڭ تومەنگى جاعىندا كۇتىپ تۇرعان ق ر ءىىم تجك «اپاتتار مەديسينا ورتالىعى» دارىگەرلەرىنە تاپسىرىلدى. جاراقات الۋشىعا دارىگەرلىك كومەك كورسەتىلىپ، وعان ستاسيونارلىق ەمنىڭ قاجەت ەمەس ەكەندىگى انىقتالدى.
قۇتقارۋشىلار ءجاسوسپىرىمنىڭ تىزە جاراقاتىن تاۋعا ورمەلەۋ بارىسىندا العانىن انىقتادى.