اتالعان ءىس بويىنشا تەكسەرۋ جۇرگىزىلۋدە.
الماتى گارنيزونىنىڭ اسكەري سوتى ق ر پارلامەنتى ءماجىلىسىنىڭ دەپۋتاتى داۋلەت تۇرلىحانوۆتىڭ ۇلى نۇراسىل بولاتقا قاتىستى ءىستىڭ ءمان-جايىن ءتۇسىندىردى، دەپ حابارلايدى aqshamnews.kz.
ۆەدومستۆودان اتاپ وتكەندەي، نۇراسىل بولاتقا قاتىستى سوت اكتىسى ونىڭ تىركەلگەن جەرى بويىنشا استانا قالاسىنىڭ قىلمىستىق-اتقارۋ جۇيەسىنىڭ دەپارتامەنتىنە جولداندى.
"استانا قالاسىنىڭ بايقوڭىر اۋدانى بويىنشا پروباسيا قىزمەتىنىڭ حاتىمەن سوتتالۋشىنىڭ مەكەنجايى ۇكىمدەگى تۇرعىلىقتى جەرىمەن سايكەس كەلمەۋىنە بايلانىستى ماتەريال ورىندالماي قايتارىلعان. وسىدان كەيىن، سوت سوتتالۋشىنىڭ ناقتى تۇرعىلىقتى جەرىن انىقتاۋ بويىنشا ءىس-شارالار جۇرگىزدى، ويتكەنى ونىڭ دەرەكتەرىن سۇراعان كەزدە ەكى قالادا ورنالاسقان ەكى مەكەنجايى كورسەتىلگەن. ق ر اسكەري سوتىنىڭ دەپارتامەنتى اتالعان ءىس جۇرگىزۋدىڭ ۇزاقتىعىنىڭ سەبەپتەرىن انىقتاۋ بويىنشا تەكسەرۋ جۇرگىزۋدە"،- دەپ اتاپ ءوتتى اسكەري سوتتان.
ءقازىر ءىس بويىنشا سوت اكتىسى سوتتالعاننىڭ الماتى جانە استانا قالالارىنداعى تۇراقتى جانە ۋاقىتشا تىركەۋ ورىندارى بويىنشا پروباسيا قىزمەتىنە جىبەرىلدى.
ايتا كەتەيىك، بۇعان دەيىن ءماجىلىس دەپۋتاتى داۋلەت تۇرلىحانوۆتىڭ بوستاندىعى شەكتەلگەن ۇلى نۇراسىل بولاتتىڭ تۇنگى ۋاقىتتا ەمىن-ەركىن جۇرگەن ۆيدەوسى تاراعانى تۋرالى جازعان بولاتىنبىز.