ءاتى-جونىن وزگەرتۋ ءۇشىن حقكو-عا جۇگىنۋ قاجەت.
"ازاماتتارعا ارنالعان ۇكىمەت" قانداي جاعدايدا تەگىن، اتىن نەمەسە اكەسىنىڭ اتىن اۋىستىرۋعا بولاتىنىن ايتتى، دەپ حابارلايدى aqshamnews.kz
"بۇل رەتتە مەملەكەتتىك قىزمەت كورسەتۋ ءۇشىن مالىمەتتەردى وزگەرتۋ ءۇشىن دالەلدى سەبەپتەر بولۋى قاجەت"، دەلىنگەن 2024 جىلعى 13 تامىزدا "ازاماتتارعا ارنالعان ۇكىمەتتىڭ" Instagram-دا جاريالانعان حابارلاماسىندا.
ءاتى-جونىن وزگەرتۋگە رۇقسات ەتىلەتىن سەبەپتەر:
اتى، اكەسىنىڭ اتى، تەگىنىڭ وعاش ەستىلۋى؛
اتىن، اكەسىنىڭ اتىن، تەگىن ايتۋدا قيىندىقتار تۋىنداۋى؛
ەگەر نەكەنى (ەرلى-زايىپتىلىقتى) مەملەكەتتىك تىركەۋ كەزىندە نەكەگە دەيىنگى تەگى قالسا نەمەسە نەكەنى مەملەكەتتىك تىركەگەننەن كەيىن جۇبايى تەگىن باسقاسىنا اۋىستىرسا، جۇبايىمەن ورتاق تەكتە بولعىسى كەلگەن جۇبايىنىڭ تىلەگى؛
بۇرىنعى نەكەدەن (ەرلى-زايىپتىلىقتان) تۋعان بالالارىمەن ورتاق تەكتە بولعىسى كەلۋى؛
ەگەر نەكەنى (ەرلى-زايىپتىلىقتى) بۇزۋ كەزىندە بۇل تۋرالى مالىمدەلمەسە، نەكەگە دەيىنگى تەگىن العىسى كەلۋى؛
ءوتىنىش بەرۋشى تاڭداعان اتا-انالارىنىڭ ءبىرىنىڭ ۇلتىنا (اتا-اناسىنىڭ ءار ءتۇرلى ۇلتى كەزىندە) سايكەس كەلەتىن اتتى جانە (نەمەسە) تەكتى العىسى كەلۋى؛
جۇبايى قايتىس بولعان جاعدايدا نەكەگە دەيىنگى تەگىن العىسى كەلۋى؛
قۇجاتتارداعى اتىنان وزگەشە، ومىردە ناقتى قالىپتاسقان اتىن العىسى كەلۋى؛
جۇبايى قايتىس بولعان جاعدايدا جانە ەگەر ءوتىنىش بەرۋشى نەكەگە دەيىنگى تەگىندە بولعاندا، بالالارىمەن ورتاق تەكتە بولعىسى كەلۋى؛
ۇلتتىق ءداستۇر بويىنشا اكەسىنىڭ نەمەسە اتاسىنىڭ اتى بويىنشا تەكتە بولعىسى كەلۋى؛
ەگەر نەكەگە وتىرعان كەزدە جۇبايىنىڭ تەگى قابىلدانسا، نەكەگە دەيىنگى تەگىن العىسى كەلۋى؛
ءوتىنىش بەرۋشىنى ءىس جۇزىندە تاربيەلەگەن ادامنىڭ تەگى مەن اتى بويىنشا تەكتى جانە (نەمەسە) اكەسىنىڭ اتىن العىسى كەلۋى؛
جىنىسى حيرۋرگيالىق جولمەن وزگەرگەن كەزدە تاڭدالعان جىنىسقا سايكەس كەلەتىن ەسىمدى، اكەسىنىڭ اتىن، تەگىن العىسى كەلۋى.
"قانداي دا ءبىر وزگەرىستەر بولعان جاعدايدا جاڭا قۇجاتتاردى دايىنداۋعا ءوتىنىش بەرۋ قاجەت"، -دەپ تولىقتىردى مەملەكەتتىك كورپوراسيا.