الماتىنىڭ قالا قۇرىلىسىن باقىلاۋ باسقارماسى سوتتىڭ شەشىمىمەن ۆيليامس كوشەسى، 73 مەكەنجايىنداعى ءىرى قوسىمشا قۇرىلىستىڭ بۇزىلعانىن حابارلايدى.
بۇرىن باسقارما مەنشىك يەسىنە (جەكە تۇلعاعا) قاتىستى جوسپاردان تىس تەكسەرۋ ناتيجەسىندە جوبالاۋ-سمەتالىق قۇجاتتامانىڭ جانە ساراپتاما قورىتىندىسىنىڭ، اۆتورلىق جانە تەحنيكالىق قاداعالاۋلاردىڭ بولماۋىنا بايلانىستى اكىمشىلىك شارالار قابىلداعان بولاتىن، دەپ حابارلايدى aqshamnews.kz.
تەكسەرۋ بارىسىندا مەنشىك يەسى ەكونوميكالىق ادىسپەن مانساردا مەن كوممەرسيالىق ءۇي-جاي سالعانى انىقتالدى.
مەنشىك يەسى جىبەرىلگەن بۇزۋشىلىقتاردى جويۋعا بەرىلگەن نۇسقامانى ورىندامادى جانە باسقارما الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا بۇزۋعا تالاپ ارىز بەردى.
وسى جىلدىڭ 7 ناۋرىزىندا سوتتىڭ شەشىمىمەن باسقارمانىڭ تالاپ-ارىزى قاناعاتتاندىرىلدى.
مەنشىك يەسى نىساندى سوت ورىنداۋشىلارىنىڭ قاتىسۋىمەن ءوز بەتىنشە بۇزدى.
ەستەرىڭىزگە سالا كەتەيىك، الماتى اكىمى ەربولات دوسايەۆتىڭ زاڭسىز قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا وتكەن جىلدىڭ باسىنان بەرى 45 زاڭسىز نىسان، ونىڭ ىشىندە «مەچتا»، KHAN، «الما گاردەن» تۇرعىن ءۇي كەشەندەرى جانە ت.ب. تولىق نەمەسە جارتىلاي بۇزىلعان.
