بۇل جاڭالىقتا ۇلتتىق ۇلان باستاماشى بولدى.
ۇلتتىق ۇلان اسكەري قىزمەتشىلەردىڭ تاماقتانۋ راسيونىنا ۇلتتىق تاعامدار قوسىلدى، دەپ حابارلايدى aqshamnews.kz
بۇل تۋرالى ۇلتتىق ۇلاننىڭ باس قولباسشىلىعىندا قورعانىس مينيسترلىگى، ۇقك، ۇقك شەكارا قىزمەتى جانە توتەنشە جاعدايلار مينيسترلىگى تىل قىزمەتتەرى وكىلدەرىنىڭ قاتىسۋىمەن وتكەن دوڭگەلەك ۇستەل بارىسىندا بەلگىلى بولدى.
جاڭارتىلعان ارميالىق راسيونعا قازاقشا ەت، سىرنە، ناۋرىز-كوجە، نارىن، كەسپە، باۋىرساق جانە باسقا دا ءداستۇرلى تاعامدار ەنگىزىلەدى.
"اسكەري تاماقتانۋعا ۇلتتىق تاعامداردى ەنگىزۋ - بۇل اسپازدىق جاڭالىق قانا ەمەس، اسكەري قىزمەتشىلەرىمىزدىڭ جاۋىنگەرلىك رۋحىن نىعايتۋ مەن مادەني بىرەگەيلىگىن ساقتاۋداعى ماڭىزدى قادام"، - دەپ اتاپ ءوتتى ۇلتتىق ۇلان باس قولباسشىسىنىڭ تىل جونىندەگى ورىنباسارى ەركەبۇلان حاميدۋللين.
ۇسىنىلىپ وتىرعان وزگەرىستەر الدىن الا قازاق تاماقتانۋ اكادەمياسىمەن كەلىسىلگەن. سەبەبى كالورياسى مەن ەنەرگەتيكالىق قۇندىلىعى جوعارى ۇلتتىق تاعامدارمەن بايىتىلعان راسيون زات الماسۋدى، يممۋنيتەتتى جاقسارتۋعا جانە قارقىندى جۇكتەمەدەن كەيىن كۇش-قۋاتتى قالپىنا كەلتىرۋگە ىقپال ەتەدى.
بۇل باستاما اسكەري قىزمەتشىلەردىڭ دەنساۋلىعىن نىعايتىپ قانا قويماي، ولاردى پاتريوتتىق رۋحتا تاربيەلەۋدە ماڭىزى ءرول اتقارادى.
ايتا كەتسەك، وتكەن جىلى قۇقىقتىق ءتارتىپ اسكەرلەرىندە جاڭارتىلعان راسيونعا اپروباسيا جۇرگىزىلدى. ۇلاندىقتار بۇل باستامانى ىقىلاسپەن قارسى الدى. ولار ءداستۇرلى تاعامداردىڭ اسكەري قىزمەتتە قولايلى جاعداي جاساپ، پسيحولوگيالىق كوڭىل-كۇيدىڭ جاقسى بولۋىنا ءوز سەپتىگىن تيگىزەتىنىن اتاپ ءوتتى.