الماتى اكىمى ەربولات دوسايەۆ Digital Almaty 2025 حالىقارالىق سيفرلىق فورۋمعا قاتىسىپ، ونىڭ بارىسىندا قالا باسشىسى يننوۆاسيالىق ازىرلەمەلەر، سونىڭ ىشىندە قازاقستاندىق مامانداردىڭ جوبالارى ۇسىنىلعان ستارتاپ-اللەيا مەن روبو-ايماقتى ارالاپ كوردى، دەپ حابارلايدى aqshamnews.kz
مەگاپوليس باسشىسى سيفرلىق ترانسفورماسيانىڭ جاڭا جەتىستىكتەرىمەن تانىستى. «يندۋستريا X» ايماعىندا قازاقستاندىق تەحنولوگيالىق كومپانيالار ءىرى ونەركاسىپتىك كاسىپورىنداردا ەنگىزىلگەن تابىستى جوبالاردى كورسەتتى. «يندۋستريا X» ءوندىرىستىڭ ءارتۇرلى سالالارىندا تيىمدىلىكتى، ساپانى جانە ونىمدىلىكتى ارتتىرۋ ءۇشىن جاساندى ينتەللەكتتى قوسا العاندا، وزىق تەحنولوگيالاردى پايدالانۋدى قامتيدى.
ورتالىق ازيانىڭ سيفرلىق حابى رەتىندە ءىس- قيمىل جاسايتىن الماتى ءداستۇرلى تۇردە فورۋم وتكىزىلەتىن ورىنعا اينالدى. بيىلعى جىلى ءىس-شاراعا 300-دەن استام حالىقارالىق ساراپشىلار قاتىسىپ، 40-تان استام پانەلدىك سەسسيا اياسىندا ەكونوميكانىڭ ناقتى سەكتورىندا سيفرلىق تەحنولوگيالاردى قولدانۋدىڭ تابىستى كەيستەرى ۇسىنىلادى.
ايتا كەتەرلىگى، قازاقستاننىڭ IT-كومپانيالارىنىڭ ۇشتەن ءبىرى الماتىدا شوعىرلانعان. قالا باسشىسىنىڭ تاپسىرماسى بويىنشا ىسكە اسىرىلعان اقىلدى قالالاردى، جاساندى ينتەللەكتتى، ۇلكەن دەرەكتەردى جانە تۇراقتى دامۋدى قوسا العاندا، نەگىزگى باعىتتارداعى ستارتاپتاردى دامىتۋعا جانە قولداۋعا باعىتتالعان الماتىنىڭ ىت-ەكوجۇيەسىن دامىتۋ باعدارلاماسىنىڭ ارقاسىندا تارتىلعان ينۆەستيسيالاردىڭ جالپى سوماسى 19،2 ملن اقش دوللارىن قۇرادى، ال ستارتاپتاردىڭ جيىنتىق تابىسى 5،37 ملرد تەڭگەگە جەتتى. 2 049 جۇمىس ورنى قۇرىلدى.
مەگاپوليستە Almaty Cyber Games (ACG) جوباسى ءساتتى دامىپ كەلەدى، ونىڭ ماقساتى - الماتىنى وڭىردەگى كيبەرسپورت پەن ويىن يندۋسترياسىنىڭ باستى ورتالىعىنا اينالدىرۋ. 2024 جىلى ACG International Tencent Games 2024 بىرلەسكەن حالىقارالىق ءتۋرنيرى ءوتتى.
اكسەلەراسيالىق جانە ينكۋباسيالىق باعدارلامالار 309 ستارتاپتى ءساتتى اياقتادى، ونىڭ 16-سى حالىقارالىق نارىقتارداعى ساتىلىمداردى راستادى.
سونىمەن قاتار، الماتىدا قازاقستاندا العاش رەت قالا تۇرعىندارىنىڭ قاۋىپسىزدىگىن قامتاماسىز ەتۋ ءۇشىن ۆيدەوساراپتاما مەن جاساندى ينتەللەكت پايدالانىلدى. 2023 جىلى اكىمدىك مەملەكەتتىك ءبىلىم بەرۋ جانە مەكتەپكە دەيىنگى مەكەمەلەردە كەشەندى قاۋىپسىزدىك جۇيەسىن ەنگىزدى. الماتىنىڭ تابىستى تاجىريبەسىن قابىلداي وتىرىپ، ەلىمىزدىڭ باسقا وڭىرلەرى دە وسى تەحنولوگيانى ەنگىزە باستادى. ءبىرىڭعاي ۆيدەومونيتورينگ جۇيەسىنىڭ جوباسى اياسىندا جىل سوڭىنا قاراي ءبىرىڭعاي جەلىگە بىرىكتىرىلگەن قالالىق كامەرالار سانى 70 مىڭعا دەيىن ۇلعايادى.