180 توننادان اسا سۋمەن 2500 گا جەردى جالماعان ءورتتى ءسوندىردى
سەمەي قالاسىنداعى اۋە بازاسىنىڭ تىكۇشاقتارى توتەنشە جاعدايلار مينيسترلىگىنىڭ شىعىس وڭىردەگى ورمان ءورتىن ءسوندىرۋ جونىندەگى وڭىرلىك بولىمشەلەرىنە كومەك كورسەتۋگە جۇمىلدىرىلدى، دەپ حابارلايدى Almaty-akshamy.kz.
بيىلعى جىلعى 7-13 قىركۇيەك ارالىعىندا شىعىس قازاقستان وبلىسىنىڭ مارقاكول، كاتونقاراعاي، التاي اۋداندارىنداعى ورمان ءورتىن وقشاۋلاۋ جانە ءورتتىڭ تارالۋىنا جول بەرمەۋ ماقساتىندا سەمەي قالاسىنداعى اۆياسيالىق بازانىڭ مي-17 ەكى تىكۇشاعى تارتىلدى.
ءبىر اپتا ىشىندە اسكەري اۆياسيا ارنايى سۋ شاشاتىن قۇرىلعىنى پايدالانا وتىرىپ، 180 توننادان اسا سۋمەن 2500 گا جەردى جالماعان ءورتتى ءسوندىردى.
وڭىردەگى جاعداي تۇراقتانعاننان كەيىن اسكەري قىزمەتشىلەر مەن جاۋىنگەرلىك تەحنيكا تۇراقتى ورنالاسۋ پۋنكتىنە ورالدى.