ەڭ جوعارى جالاقى ۇسىناتىن وڭىرلەر – اتىراۋ وبلىسى مەن نۇر-سۇلتان، الماتى قالالارى
ەڭبەك مينيسترلىگى ەلەكتروندى ەڭبەك بيرجاسىنداعى جوعارى جالاقىلى بوس جۇمىس ورىندارى تۋرالى اقپارات جاريالادى، دەپ حابارلايدى Almaty-akshamy.kz.
حابارلاماعا سايكەس، جالاقى وڭىرلەر مەن ماماندىقتار بويىنشا ءار ءتۇرلى بولادى. ماسەلەن، اتىراۋ وبلىسىندا ەڭ جوعارى ەڭبەكاقى ۇسىنىلعان. وڭىردە ونەركاسىپتىك الپينيستەر ءۇشىن 824 مىڭ تەڭگە جالاقى الاتىن 20 بوس جۇمىس ورنى ورنالاستىرىلدى.
ال نۇر-سۇلتان جانە الماتى قالالارىندا، سونداي-اق الماتى جانە شىعىس قازاقستان وبلىستارىندا جۇمىس بەرۋشىلەر مەملەكەتتىك ورگاندارداعى قۇرىلىمدىق بولىمشەلەردىڭ باسشىلارىنا 500 مىڭنان 730 مىڭ تەڭگەگە دەيىن جالاقى ۇسىنادى.
"ەڭ جوعارى جالاقى كۇتۋلەرى عىلىمي قىزمەتكەرلەر اراسىندا بايقالادى – 2،7 ملن تەڭگە، باس ديرەكتورلار – 2،3 ملن تەڭگە، اۆياسيا ينجەنەرلەرى – 1،6 ملن تەڭگە، كەنىشتەر ديرەكتورلارى – 1،5 ملن تەڭگە جانە قوسىمشالاردى ازىرلەۋشىلەر-1،2 ملن تەڭگە. بۇل رەتتە جۇمىس بەرۋشىلەر ەلەكتروندى ەڭبەك بيرجاسىندا ەڭبەكاقىنىڭ جوعارى مولشەرىن مەملەكەتتىك ۇيىمداردىڭ باسشىلارىنا – 640 مىڭ تەڭگە، باس تەحنولوگتار مەن قارجىلىق تاۋەكەل – مەنەدجەرلەرگە – 500 مىڭ تەڭگە ۇسىنادى"، – دەلىنگەن ەڭبەك مينيسترلىگىنىڭ حابارلاماسىندا.