بۇگىن قازاقستاننىڭ باسىم بولىگىندە ۇسىك جۇرەدى
بۇگىن، 15 قىركۇيەك كۇنى قازاقستاننىڭ باسىم بولىگى كەڭ، سۋىق انتيسيكلوننىڭ ىقپالىندا بولادى، جاۋىن-شاشىنسىز اۋا رايى كۇتىلەدى، تۇنگى ساعاتتاردا تۇمان جانە ۇسىك جۇرەدى، دەپ حابارلايدى Almaty-akshamy.kz قازگيدرومەتكە سىلتەمە جاساپ.
اتموسفەرالىق فرونتالدى بولىكتەردىڭ وتۋىمەن باتىستا جاڭبىر جاۋادى، كۇن كۇركىرەيدى، بۇرشاق جاۋۋى مۇمكىن، شىعىستا جاۋىن-شاشىن، كەيدە جاڭبىر مەن سۋلى قار تۇرىندە تۇسەدى. ەلىمىزدىڭ باسىم بولىگىندە جەلدىڭ جىلدامدىعى 15-20 م/س، وڭتۇستىك-باتىستا، وڭتۇستىك-شىعىستا ەكپىنى 23-28 م/س دەيىن بارادى، كۇندىز باتىستان، وڭتۇستىكتەن شاڭدى داۋىل سوعادى.
قىزىلوردا، تۇركىستان، جامبىل وبلىستارىندا، اتىراۋ وبلىسىنىڭ باتىسىندا توتەنشە ءورت ءقاۋپى ساقتالادى.
تۇندە اقمولا، قوستاناي وبلىستارىنىڭ سولتۇستىك-شىعىسىندا، سولتۇستىك قازاقستان وبلىسىنىڭ وڭتۇستىك-شىعىسىندا، پاۆلودار وبلىسىنىڭ باتىسىندا، وڭتۇستىگىندە، قاراعاندى وبلىسىنىڭ سولتۇستىك شىعىسىندا، ۇلىتاۋ، شىعىس قازاقستان وبلىستارىنىڭ سولتۇستىگىندە، شىعىسىندا، اباۋ وبلىسىنىڭ سولتۇستىگىندە 1-3 گرادۋس ۇسىك جۇرەدى.
نۇر-سۇلتان قالاسىندا كوشپەلى بۇلتتى، جاۋىن-شاشىنسىز. وڭتۇستىك-شىعىس، شىعىس باعىتتاردان سوعاتىن جەلدىڭ كۇشى تۇندە 2-7، كۇندىز 5-10 م/س بولادى. اۋانىڭ تەمپەراتۋراسى تۇندە +2+4°س، توپىراق بەتىندە 2°س ۇسىك، كۇندىز +16+18°س بولادى.
ال الماتى قالاسىندا كوشپەلى بۇلتتى، جاۋىن-شاشىنسىز. سولتۇستىك-شىعىستان جەل سوعادى، كۇشى - 3-8 م/س. اۋانىڭ تەمپەراتۋراسى تۇندە +8+10°س، كۇندىز +21+23°س بولادى.
شىمكەنت قالاسىندا ازداعان بۇلتتى، جاۋىن-شاشىنسىز. جەل شىعىستان سوعادى، كۇشى - 8-13 م/س. اۋانىڭ تەمپەراتۋراسى تۇندە +14+16°س، كۇندىز +31+33°س بولادى.