الماتى كولىك جانە كوممۋنيكاسيالار كوللەدجىنىڭ بازاسىندا، «ادال ازامات – ءبىرتۇتاس تاربيە» باعدارلاماسى اياسىندا
الماتى قالاسى المالى اۋدانى ارداگەرلەر كەڭەسىنىڭ مۇشەلەرىمەن «ارداگەرلەردىڭ ءومىر جولى – جاس ۇرپاققا تاعىلىم» اتتى
ارداگەرلەر مەن جاستاردىڭ كەزدەسۋى بولىپ ءوتتى.
كەزدەسۋدىڭ باستى ماقساتى – ستۋدەنتتەردىڭ تۇلعالىق دامۋىنا جاعداي جاساۋ، ازاماتتىق جاۋاپكەرشىلىگىن ارتتىرۋ، رۋحاني-ادامگەرشىلىك قۇندىلىقتاردى بويىنا ءسىڭىرۋ، كاسىبي مادەنيەتىن جەتىلدىرۋ جانە قوعام ومىرىنە بەلسەندى ارالاسۋعا، ۇلكەندەرگە قۇرمەت كورسەتۋگە تاربيەلەۋ.
ءىس-شارا بارىسىندا ارداگەر ۇستازدار ستۋدەنتتەرمەن وزدەرىنىڭ ءومىر جولدارى مەن ۇستازدىق قىزمەتتەرى تۋرالى اسەرلى اڭگىمە ءوربىتتى. كوللەدج ستۋدەنتتەرى وزدەرى دايىنداعان كونسەرتتىك باعدارلامالارىن ۇسىنىپ، ارداگەرلەرگە قۇرمەت كورسەتتى.
كەزدەسۋ كەزىندە ارداگەرلەر مەن مارتەبەلى قوناقتار قىزمەت جولىنداعى قىزىقتى ەستەلىكتەرىمەن ءبولىسىپ، جاستارعا كاسىبي جانە ومىرلىك تاجىريبەلەرىنەن تاعىلىمدى كەڭەس بەردى.
ءبىلىم الۋشىلاردىڭ الدىندا ءسوز سويلەگەن ارداگەر ۇستازدار جاستاردىڭ قايسار اتا-بابالارىنىڭ داڭقتى داستۇرلەرىن جالعاستىرۋشى، ءوز وتانىنىڭ ناعىز پاتريوتى بولىپ ءوسۋى كەرەكتىگىن اتاپ ءوتتى. سونداي-اق، ءوز ماماندىقتارىن ءسۇيىپ، تەمىر جول سالاسىنىڭ بىلىكتى ماماندارى بولۋعا ۇندەدى.
كەزدەسۋ بارىسىندا قوناقتار كوللەدج مۇراجايىمەن، زاماناۋي جابدىقتارمەن، ترەناجەرلارمەن جانە سيفرلىق شەشىمدەرمەن جابدىقتالعان قۇزىرەتتىلىك ورتالىعىمەن تانىستى.
ءىس-شارا سوڭىندا كوللەدج ديرەكتورىنىڭ تاربيە ءىسى جونىندەگى ورىنباسارى
ساۋىربايەۆ ن.ب. مازمۇندى كەزدەسۋ ۇيىمداستىرعان ارداگەرلەرگە جانە جاستارعا پاتريوتتىق تاربيە بەرۋگە قوسقان ۇلەستەرى ءۇشىن العىسىن ءبىلدىردى.