مىرزاعالي ايتجانوۆ قىزمەتىنەن بوساتىلدى.
قازاقستان بوكس فەدەراسياسىندا پاريج وليمپياداسىنىڭ قورىتىندىسى بويىنشا كەڭەس ءوتتى، دەپ حابارلايدى aqshamnews.kz.
ۇيىمنىڭ حابارلاۋىنشا، بوكستان ەرلەر كومانداسىنىڭ باپكەرلىك قۇرامى تولىعىمەن جۇمىستان شەتتەتىلگەن.
قازاقستان بوكس فەدەراسياسىنىڭ شەشىمى دەنە شىنىقتىرۋ جانە سپورت ىستەرى بويىنشا كوميتەتىمەن ماقۇلداندى.
«وسىلايشا، كەلەسى وزگەرىستەر جايىندا حابارلايمىز:
1. باس جاتتىقتىرۋشى مىرزاعالي ايتجانوۆ جانە باپكەرلىك قۇرامداعى 10 مامان، قبف ۆيسە-پرەزيدەنتى ازيز قوجامبەتوۆ قىزمەتتەن بوساتىلدى.
2. قازاقستاننىڭ ەڭبەك سىڭىرگەن جاتتىقتىرۋشىسى تۇرسىنعالي ەدىلوۆ قازاقستان بوكس فەدەراسياسى پرەزيدەنتىنىڭ كەڭەسشىسى قىزمەتىنە تاعايىندالدى.
جاڭا باپكەرلىك قۇرام كەيىنىرەك تانىستىرىلادى»، — دەپ جازدى فەدەراسيادان.
ەستەرىڭىزگە سالا كەتەيىك، بىرەر كۇن بۇرىن قازاقستان ەرلەر ۇلتتىق قۇراماسىنىڭ پاريجدەگى وليمپيادا ويىندارىنداعى تومەن ناتيجەسىنە بايلانىستى قۇرامانىڭ جاتتىقتىرۋشىلار شتابىنىڭ بىرنەشە مۇشەسى قىزمەتىنەن بوساتىلعانى تۋرالى اقپارات الەۋمەتتىك جەلىلەردە جاريالانعانىن حابارلاعان بولاتىنبىز. ول كەزدە بوكس فەدەراسياسى بۇل اقپاراتتىڭ شىندىققا جاناسپايتىنىن مالىمدەگەن ەدى.