تۇركىستان وبلىسىندا زاڭسىز اۆتوكولىك ۇتىس ويىنىن ۇيىمداستىرعان بلوگەر سوتتالدى.
كەنتاۋ قالالىق سوتى لوتورەيا ويىنىن ۇيىمداستىرعان ازامات ن-عا قاتىستى اكىمشىلىك قۇقىق بۇزۋشىلىق تۋرالى ءىستى قارادى، دەپ حابارلايدى aqshamnews.kz.
سوتتىڭ مالىمەتىنشە، جەرگىلىكتى تۇرعىن 2024 جىلدىڭ ماۋسىم ايىندا "Tik Tok" الەۋمەتتىك جەلىسى ارقىلى ارنايى بيلەتتەردى ساتۋ ارقىلى اۆتوكولىكتىڭ ۇتىس ويىنىن وتكىزگەن. بيلەتتەردى ساتۋ "Kaspi.kz" بانك قوسىمشاسى ارقىلى اقشا اۋدارىمدارى ارقىلى جۇزەگە اسىرىلعان.
سوت ۇتىس ويىنىن ۇيىمداستىرعان ازاماتتى كىنالى دەپ تاپتى.
“سوت قاۋلىسىمەن ازامات ن اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ، وعان 258 440 تەڭگە مولشەرىندە اكىمشىلىك ايىپپۇل سالىندى”، – دەلىنگەن سوت حابارلاماسىندا.