اقتوبەدە كامەلەتكە تولماعان قىزدى زورلادى دەگەن كۇدىكپەن 64 جاستاعى زەينەتكەر ۇستالدى، - دەپ حابارلايدى اqshamnews.kz ءتىلشىسى "كتك" تەلەارناسىنا سىلتەمە جاساپ.
كۇدىكتىنىڭ ءىسى “كامەلەتكە تولماعاندى زورلاۋ” بابى بويىنشا تەرگەلىپ جاتىر. كىناسى دالەلدەنسە، ءومىر بويىنا باس بوستاندىعىنان ايىرۋ جازاسى تاعايىندالۋى مۇمكىن.
وقيعا 13 قازاندا بولعان: 9‑سىنىپ وقۋشىسىنىڭ ساباق كەزىندە تولعاعى باستالىپ، اۋداندىق اۋرۋحانادان سانيتارلىق اۆياسيامەن وبلىس ورتالىعىنا جەتكىزىلدى؛ دارىگەرلەر ونىڭ جۇكتى ەكەنىن سول كەزدە انىقتاپ، قىز ۇل بالا دۇنيەگە اكەلدى. بالا 2770 گرامم بولىپ تۋعان، اناسى مەن نارەستەنىڭ جاعدايى قاناعاتتانارلىق، ولار وبلىستىق پەريناتالدىق ورتالىقتا دارىگەرلەر باقىلاۋىندا.
تەرگەۋ نۇسقاسىنا ساي، بالانىڭ اكەسى رەتىندە قىزدىڭ اپاسىنىڭ كۇيەۋى قاراستىرىلىپ وتىر. ول قاماۋعا الىندى. كۇدىكتى كىنالىلىگى سوتتا دالەلدەنگەنگە دەيىن كىناسىز دەپ ەسەپتەلەدى.