امەريكالىق كاسىپكەر، ميللياردەر يلون ماسكتىڭ ايتۋىنشا، اقش ءقازىر "ۇلى 12 جىلدىق كەزەڭنىڭ" باسىندا تۇر. ول بۇل كەزەڭ دونالد ترامپتىڭ ەكىنشى پرەزيدەنتتىك مەرزىمىنەن جانە قازىرگى ۆيسە-پرەزيدەنت دجەي دي ۆەنستىڭ ەكى مەرزىمىنەن (تەڭ 12 جىل) تۇرادى دەپ ەسەپتەيدى، - دەپ حابارلايدى aqshamnews.kz ءتىلشىسى.
Politico باسىلىمىنىڭ مالىمەتىنشە، ماسك بۇل ءسوزىن اقش-تىڭ مەملەكەتتىك تيىمدىلىك دەپارتامەنتىنىڭ (DOGE) بۇرىنعى قىزمەتكەرلەرىمەن وتكەن جابىق كەزدەسۋدە ايتقان. جينالىس تۋرالى اقپاراتتى كەزدەسۋگە قاتىسقان ەكى ادام جانە وقيعادان حاباردار تاعى ءبىر دەرەككوز راستاعان، بارلىعى دا ءاتى-جونىن كورسەتپەۋدى سۇراعان.
كەزدەسۋ 22 قاراشادا تەحاس شتاتىنىڭ باستروپ قالاسىندا وتكەن. ماسك ولارعا بەينەبايلانىس ارقىلى، قاراڭعى ءارى بەلگىسىز جەردەن قوسىلعان.
ءمان-جاي
جازدا ماسك پەن ترامپتىڭ قارىم-قاتىناسى ناشارلاپ، كەيىن قايتا قالىپقا كەلگەن. ءبىراق بيىل ماسك ۆيسە-پرەزيدەنت دجەي دي ۆەنسپەن جاقىن جەكە بايلانىس ورناتقان. ەگەر ۆەنس 2028 جىلى پرەزيدەنتتىك سايلاۋعا تۇسسە، ول ماسكتىڭ قولداۋىمەن جەڭىسكە جەتەر ەدى.
بۇعان دەيىن يلون ماسك بەس جىلدان كەيىن سمارتفوندار جوعالادى دەپ بولجاعان. سونداي-اق ول جاساندى ينتەللەكت بولاشاقتا قولدانۋشىنىڭ قالاۋىن الدىن الا "ايتقىزباي-اق" بولجاپ وتىراتىن دەڭگەيگە جەتەدى دەپ مالىمدەگەن.