اقش دۇنيەجۇزىلىك دەنساۋلىق ساقتاۋ ۇيىمىنان رەسمي تۇردە شىقتى. بۇل تۋرالى Associated Press حابارلادى.
دونالد ترامپ ۇيىمنان شىعۋ تۋرالى جارلىققا بىلتىر قاڭتاردا قول قويعان، جارلىق تەك ءبىر جىلدان كەيىن كۇشىنە ەندى.
اق ءۇي باسشىسى: «باسقا ەلدەرمەن سالىستىرعاندا وتە جوعارى جارنا تولەپ، بوسقا شىعىندالامىز» ، - دەگەن. اقش دۇنيەجۇزىلىك دەنساۋلىق ساقتاۋ ۇيىمى بيۋدجەتىنىڭ 18 پايىزىن تولەپ كەلدى. سونداي-اق ترامپ اتالعان قاۋىمداستىق دەنساۋلىققا قاتىستى عالامدىق قاۋىپ-قاتەرمەن كۇرەستە قاۋقارسىز ەكەنىن ايتتى. اقش شىققاننان كەيىن، ۇيىم شتاتىن قىسقارتۋعا كىرىستى. ولار ءبىر جىل بويى ترامپتى شەشىمىن وزگەرتۋگە ۇگىتتەپ كوردى. ساراپشىلار ءىرى دونوردىڭ كەتۋى، جاڭا جۇقپالى اۋرۋلاردان قورعانۋ جۇيەسىن السىرەتۋى مۇمكىن دەپ قاۋىپتەنەدى.