ساتىپ الۋ قۇقىعىمەن بەرىلەتىن تۇرعىن ءۇيدى ەندى ونلاين رەجيمدە راسىمدەۋگە بولادى، دەپ حابارلايدى aqshamnews.kz "ازاماتتارعا ارنالعان ۇكىمەتكە" سىلتەمە جاساپ.
مەملەكەتتىك كورپوراسيا "جىلجىمايتىن مۇلىككە قۇقىقتاردى (قۇقىق اۋىرتپالىقتارىن) مەملەكەتتىك تىركەۋ" قىزمەتىن ونلاين رەجيمدە كورسەتۋگە ارنالعان پيلوتتىق جوبانى ىسكە قوسقان.
"ەندى ساتىپ الۋ قۇقىعى بار جالدامالى تۇرعىن ۇيگە ءوتىنىم بەرىپ، ەلەكتروندىق شارتتى "قازاقستاندىق تۇرعىن ءۇي كومپانياسى" اق پورتالى ارقىلى راسىمدەۋگە بولادى. بۇدان كەيىن قۇقىقتار مەن اۋىرتپالىقتاردى تىركەۋگە قاجەتتى بارلىق قۇجات "جىلجىمايتىن مۇلىكتىڭ ءبىرىڭعاي مەملەكەتتىك كاداسترى" جۇيەسىنە اۆتوماتتى تۇردە جولدانادى"، - دەلىنگەن حابارلامادا.
مەملەكەتتىك كورپوراسيا وكىلدەرىنىڭ حابارلۋىنشا، بۇل جاڭاشىلدىق مەملەكەتتىك قىزمەتتى الۋ مەرزىمىن قىسقارتۋعا، ازاماتتاردىڭ شىعىندارىن ازايتۋعا، سونداي-اق پروسەستىڭ اشىقتىعى مەن قولجەتىمدىلىگىن ارتتىرۋعا مۇمكىندىك بەرەدى.