اقمولا وبلىسى دوڭعىلاعاش اۋىلىندا ءىرى قارانىڭ نەدەن قىرىلعانى انىقتالدى، - دەپ حابارلايدى aqshamnews.kz ءتىلشىسى turkystan.kz-كە سىلتەمە جاساپ.
اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ اقمولا وبلىستىق اۋماقتىق ينسپەكسياسىنىڭ باسشىسى مانات ابدراحمانوۆتىڭ مالىمەتىنشە، زەرەندى اۋدانى قونىسباي اۋىلدىق وكرۋگىنە قاراستى دوڭعىلاعاش اۋىلىندا ءىرى قارا مالدىڭ قىرىلۋىنا قاتىستى جاعداي باقىلاۋدا تۇر.
زەرتحانالىق تەكسەرىس ناتيجەلەرى بويىنشا جانۋارلاردان اسا ءقاۋىپتى جۇقپالى اۋرۋلار انىقتالماعان.
مالدىڭ قىرىلۋىنا ولاردىڭ قاراۋسىز جايىلىپ، قوقىس ورىندارىنا كىرىپ، زياندى قالدىقتاردى جەۋى سەبەپ بولعان.
"زەرتحانالىق تالداۋ كەزىندە سىنامالاردان پەستيسيدتەر تابىلدى. دياگنوز - جەم-شوپتەن ۋلانۋ. جاقىن ماڭداعى اۋىلداردا جاعداي تۇراقتى، وسىنداي وقيعالار تىركەلگەن جوق"، - دەلىنگەن حابارلامادا.