«نۇر-سۇلتان-ەرەيمەنتاۋ-شىدەرتى» اۆتوجولىندا بوراندا جولدا قالعان ادامداردى ەۆاكۋاسيالاۋ ءۇشىن ق ر «قتج» ۇك» اق-نان پويىز تارتىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
اقمولا وبلىسى تجد باسپا ءسوز قىزمەتىنىڭ مالىمەتىنشە، «نۇر-سۇلتان-ەرەيمەنتاۋ-شىدەرتى» اۆتوجولىندا قار قۇرساۋىندا قالعان 105 ادام، ونىڭ ىشىندە 28 بالا جىلتۋ ورىندارىنا ەۆاكۋاسيالاندى. «اقمولا جانە پاۆلودار وبلىستارىنىڭ شەكاراسىنداعى ەرەيمەنتاۋ اۋدانى اۋماعىندا قاتتى بۇرقاسىن بولىپ، اۆتوجولداردا كولىك قوزعالىسىن قيىنداتتى.
«نۇر-سۇلتان-ەرەيمەنتاۋ-شىدەرتى» اۆتوجولىندا بوراندا جولدا قالعان ادامدار جىلىتۋ ورىندارى مەن تۇرعىن ۇيلەرگە جايعاستىرىلدى. كەيىن ولار ولەڭتى ستانسياسى ارقىلى ق ر «قتج» ۇك» اق-نىڭ پويىزىمەن تۇرعىلىقتى جەرلەرىنە جىبەرىلدى. جالپى بۇعان دەيىن ولەڭتى ستانسياسىنا پويىز ايالدامايتىن ەدى. بۇل جولى قۇتقارۋشىلار مەن جەرگىلىكتى اتقارۋشى ورگانداردىڭ ق ر «قتج» ۇك» اق-مەن اراداعى ۋاعدالاستىق ارقىلى جۇزەگە اسىرىلىپ وتىر»، - دەدى تجد باسپا ءسوز قىزمەتىنەن.
ەۆاكۋاسيالانعانداردىڭ ءبىرى عاليا قىدىروۆا قيىن جاعدايدا جەدەل كومەك كورسەتكەن ەرەيمەنتاۋ اۋدانىنىڭ تۇرعىندارى مەن قۇتقارۋشىلارىنا، سونداي-اق جەرگىلىكتى اتقارۋشى ورگانداردىڭ قىزمەتكەرلەرىنە العىسىن ءبىلدىردى.
«ەرەيمەنتاۋلىقتارعا شىنايى العىسىمدى بىلدىرەمىن. ولار ءبىزدى قۇتقارىپ عانا قويعان جوق، ۇيلەرىنە ورنالاستىرىپ، ىستىق تاماقپەن قامتاماسىز ەتتى. كەيىن پويىزعا وتىرعىزىپ ۇيىمىزگە شىعارىپ سالدى»، - دەيدى ول.
«قازگيدرومەت» رمك مالىمەتىنشە، ناۋرىز ايىنىڭ سوڭىنا دەيىن وڭىردە تۇراقسىز اۋا رايى ساقتالادى. تەك ءساۋىر ايىنىڭ ءبىرىنشى ونكۇندىگىنىڭ سوڭىنا قاراي كۇن جىلىنا باستايدى. سول سەبەپتى اقمولا وبلىسىنىڭ تجد قىزمەتكەرلەرى ءوڭىر تۇرعىندارىنا اۋا رايىنىڭ جايسىزدىعىن ەسكەرتىپ، ەلدى مەكەندەردەن تىس جەرلەرگە شىقپاۋدى سۇرايدى.