پاۆلودار جانە ەكىباستۇز قالالارىندا ءبىر كۇندە ءۇش جازاتايىم وقيعا ورىن العان، ولاردىڭ ءبىرى ادام ولىمىمەن اياقتالدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«25 ناۋرىز كۇنى ساعات 23:00-دە ەكىباستۇز قالاسىنداعى ءجشس-نىڭ ءبىرىنىڭ وندىرىستىك سەحىندا 36 جاستاعى گاز-ەلەكتر دانەكەرلەۋشىسى قازاندىق قۇبىرلارىندا جوندەۋ جۇمىستارىن جۇرگىزۋ كەزىندە 74 مەتر بيىكتىكتەن 51 مەتر بيىكتىككە قۇلاپ كەتكەن. ەر ادام العان جاراقاتتارىنان وقيعا ورنىندا كوز جۇمدى. سوت-مەديسينالىق ساراپتاما تاعايىندالدى»، - دەپ حابارلادى جۋرناليستەرگە پاۆلودار وبلىستىق پوليسيا دەپارتامەنتىنىڭ باسپا ءسوز قىزمەتىنەن.
ساعات 01.00-دە پاۆلودار قالاسىنداعى اكسيونەرلىك قوعامداردىڭ ءبىرىنىڭ وندىرىستىك سەحىندا 45 جاستاعى جۇمىسكەر دانەكەرلەۋ جۇمىستارىن جۇرگىزۋ كەزىندە بەتون پليتادان مەتالل قۇلاقشانىڭ قۇلاۋى سالدارىنان باس جاراقاتىن العان. ەر ادام اۋرۋحاناعا جاتقىزىلدى. بۇعان دەيىن پاۆلودار قالاسىنداعى ساۋدا ۇيلەرىنىڭ بىرىندە ساعات 09.30-دا 28 جاستاعى جۇمىسكەر ارلەۋ جۇمىستارىن جۇرگىزىپ جاتقان كەزدە باسپالداقتان قۇلاپ كەتكەن. جاراقات العان ەر ادام اۋرۋحاناعا جەتكىزىلدى.