«حابار» اگەنتتىگىنىڭ باسشىلىعى جازعى وليمپيادا ويىندارى قارساڭىندا قازاق سپورت جانكۇيەرلەرىن قۋانتىپ، بەلگىلى سپورت ءجۋرناليسى امانگەلدى سەيىتحان مارقۇمنىڭ ۇلى بەكاسىل سەيىتحانعا تىزگىن ۇستاتتى.
«حابار» اگەنتتىگى ۇسىنعان اقپاراتقا سايكەس، بەكاسىل سەيىتحان سپورت جۋرناليستكاسىنا بالا كەزدەن قۇمارتقان. الايدا ونىسىن بايقاتپاعاندىقتان اكەسى ۇيىندە بولاشاق كوممەنتاتوردىڭ ءوسىپ كەلە جاتقانىن مۇلدە بىلمەگەن. اكەسى كوز جۇمعان سوڭ، كوممەنتاتور ءىسىن قولعا الىپ، ءىزىن جالعاستىرۋعا كىرىسكەن. جەكە سپورت ارناسىندا شەبەرلىگىن شىڭداپ جۇرگەن بەكاسىل سەيىتحان 1 جىلدان استام ۋاقىت ىشىندە 100-دەن استام ەفير جۇرگىزگەن. وسى وليمپياداعا ىرىكتەۋ كەزەڭدەرىن دە جۇرگىزگەن، دەپ حابارلايدى aqshamnews.kz
«اكەسىنىڭ اسىل قاسيەتتەرى بەكاسىلعا دارىعان، تانىمال كوممەنتاتور بولاتىنىنا سەنىمدىمىز. جاس كوممەنتاتور بولعان سوڭ كورەرمەندەر تۇسىنىستىكپەن قارايدى دەپ ويلايمىز»، دەيدى سپورت جۋرناليستيكاسىنداعى اعالارى.
ودان بولەك، وليمپيادا-2024 ويىندارىندا «ەل ارنا»، «حابار» ارنالارىنان 7 سپورت كوممەنتانتاتورى جۇمىس ىستەيدى.
جاس كوممەنتاتور بەكاسىل سەيىتحاننىڭ پاريج وليمپياداسىنداعى العاشقى ەفيرىن 27 شىلدە كۇنى ساعات 14:00-دە «ەل ارنا» تەلەارناسىنان تاماشالاۋعا بولادى.