قازىرگى ۋاقىتتا تىزىلىمدە بارلىعى 4510 كاسىپتى قامتيتىن 838 كاسىپتىك ستاندارت بار.
ق ر ەڭبەك جانە حالىقتى الەۋمەتتىك قورعاۋ مينيسترلىگى جانىنداعى كاسىپتىك بىلىكتىلىك جونىندەگى ۇلتتىق ورگان كاسىپتىك ستاندارتتار تىزىلىمىنە ەڭبەك نارىعىندا نەعۇرلىم تالاپ ەتىلەتىن كاسىپتەر بويىنشا مۇددەلى مەملەكەتتىك ورگاندار ازىرلەگەن 189 جاڭا كاسىپتىك ستاندارتتى ەنگىزدى، دەپ حابارلايدى akshamnews.kz
جاڭا كاسىپتىك ستاندارتتاردى ازىرلەۋ قاجەتتىلىگىن ايقىنداۋ نەمەسە قولدانىستاعى كاسىپتىك ستاندارتتاردى قايتا قاراۋ جونىندەگى جۇمىستى مەملەكەتتىك ورگاندار جانىنداعى 50-دەن استام سالالىق كەڭەس جۇرگىزەدى. ولاردىڭ قۇرامىنا 900-دەن استام ادام كىرەدى، ولاردىڭ ىشىندە مەملەكەتتىك ورگانداردىڭ، جۇمىس بەرۋشىلەردىڭ، سالالىق بىرلەستىكتەردىڭ (قاۋىمداستىقتاردىڭ، وداقتاردىڭ)، وقۋ-ادىستەمەلىك بىرلەستىكتەردىڭ جانە ت. ب. وكىلدەرى بار.
سونداي-اق، مەملەكەتتىك ورگاندار 54 سالالىق بىلىكتىلىك شەڭبەرىن ازىرلەدى جانە وزەكتەندىردى، ولار ورىندالاتىن جۇمىستاردىڭ كۇردەلىلىگىنە جانە پايدالانىلاتىن ءبىلىمنىڭ، ىسكەرلىكتەر مەن قۇزىرەتتەردىڭ سيپاتىنا بايلانىستى دەڭگەيلەر بويىنشا ماماننىڭ بىلىكتىلىگىنە قويىلاتىن تالاپتاردى قامتيدى.
كاسىپتىك ستاندارتتار مەن سبش ازىرلەۋ جانە وزەكتەندىرۋ جونىندەگى جۇمىس ۇلتتىق بىلىكتىلىك جۇيەسىن دامىتۋ شەڭبەرىندە جۇرگىزىلەدى.
ەستەرىڭىزگە سالا كەتەيىك، كاسىپتىك بىلىكتىلىك جونىندەگى ۇلتتىق ورگان تۇراقتى نەگىزدە كاسىپتىك ستاندارتتاردى ازىرلەۋدىڭ نەگىزگى پرينسيپتەرى مەن كەزەڭدەرىن ءتۇسىندىرۋ بويىنشا سەمينارلار وتكىزەدى.