الماتىدا يننوۆاسيالىق تەحنيكالىق كوللەدجدىڭ قۇرىلىسى 2026 جىلدىڭ قاڭتارىندا اياقتالادى
الماتى قالاسى الاتاۋ اۋدانىنىڭ سايالى شاعىن اۋدانىندا كەلەسى جىلى يننوۆاسيالىق شىعارماشىلىق ورتالىقتىڭ قۇرىلىسىن اياقتاۋ جوسپارلانۋدا. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋ بارىسىندا مالىمدەدى.
«وزدەرىڭىز بىلەتىندەي، 2023 جىلدان باستاپ نۇركەنت شاعىن اۋدانىندا بالالاردى قوسىمشا بىلىممەن قامتۋدى ارتتىرۋ ءۇشىن يننوۆاسيالىق شىعارماشىلىق ورتالىق تابىستى جۇمىس ىستەيدى. بۇگىنگى تاڭدا ورتالىققا 2 300 بالا كەلەدى. بۇل تاجىريبەنى سايالى شاعىن اۋدانىندا جالعاستىرۋعا نيەتتىمىز، وندا 2026 جىلدىڭ قىركۇيەگىندە يننوۆاسيالىق شىعارماشىلىق ورتالىقتىڭ قۇرىلىسى اياقتالادى دەپ كۇتەمىز»، - دەدى ەربولات دوسايەۆ.
سونداي-اق، ونىڭ ايتۋىنشا، اۋداننىڭ العاباس شاعىن اۋدانىندا 720 ورىندىق جاڭا يننوۆاسيالىق تەحنيكالىق كوللەدجدىڭ قۇرىلىسى جالعاسۋدا. قۇرىلىستىڭ اياقتالۋ مەرزىمى-2026 جىلعى قاڭتار.
ەستەرىڭىزگە سالا كەتەيىك، اعىمداعى جىلدىڭ مامىر ايىندا تۇركسىب اۋدانىنىڭ جاس قانات شاعىن اۋدانىندا دامۋ جانە شىعارماشىلىق ورتالىعىنىڭ قۇرىلىسىن باستاۋ جوسپارلانعان ەدى.
بيىلعى جىلى بوستاندىق اۋدانىندا اپتا سايىن 2 مىڭ بالا وقي الاتىن زاماناۋي وقۋشىلار ءۇيى اشىلدى، ال المالى اۋدانىنداعى ەسكىرگەن وقۋشىلار ءۇيىنىڭ ورنىندا «شابىت» زاماناۋي بالالاردى دامىتۋ ورتالىعى اشىلدى.