جىل باسىنان بەرى ءۇش مەكەمە جوندەۋدەن ءوتتى، دەپ حابارلايدى aqshamnews.kz
ناۋرىزباي اۋدانى اكىمىنىڭ اپپاراتى 2025 جىلى اۋدانداعى ءبىرقاتار بالاباقشانى جوندەۋ ءۇشىن قارجى بولگەن ەدى. سونىڭ ارقاسىندا مەكتەپكە دەيىنگى مەكەمەلەردىڭ ماتەريالدىق-تەحنيكالىق بازاسى نىعايتىلىپ، تاربيەلەنۋشىلەر ءۇشىن جايلى ءارى ءقاۋىپسىز ورتا جاسالدى.
بۇگىندە 3 بالاباقشا جەرگىلىكتى بيۋدجەت ەسەبىنەن جوندەلدى. سونىڭ ناتيجەسىندە ناۋرىزباي اۋدانىنداعى 575 ءبۇلدىرشىن سانيتارلىق جانە ءبىلىم بەرۋ تالاپتارىنا سايكەس كەلەتىن زاماناۋي بالاباقشادا تاربيەلەنىپ جاتىر.
مەكتەپكە دەيىنگى ءبىلىم بەرۋ ينفراقۇرىلىمىن جاقسارتۋ جونىندەگى ءىس-شارالار اياسىندا 2025 جىلى ناۋرىزباي اۋدانىنداعى ءۇش بالاباقشاعا جوندەۋ جۇمىستارى جۇرگىزىلدى. ولار «№193 بوبەكجاي-بالاباقشا»، «№45 بوبەكجاي-بالاباقشا» جانە «№172 بوبەكجاي-بالاباقشا». اتالعان بالاباقشالاردىڭ ءىشى ارلەندى، شاتىرلارى، ەسىكتەرى، ەدەندەرى جاڭارتىلدى، سانتەحنيكالىق تورابى اۋىستىرىلدى. بالاباقشالار سەيسميكالىق تۇرعىدا كۇشەيتىلدى، ورىندىقتار قويىلىپ، اينالاسى قورشالىپ، اباتتاندىرىلدى.
ناۋرىزباي اۋدانى اكىمدىگىنىڭ حابارلاۋىنشا، جۇرگىزىلگەن بارلىق ءىس-شارالار مەكتەپكە دەيىنگى مەكەمەلەردىڭ تاربيەلەنۋشىلەرى ءۇشىن ءقاۋىپسىز، جايلى جانە زاماناۋي ورتا قۇرۋعا باعىتتالعان.