الماتىدا كوگالداندىرۋ قالا تۇرعىندارىنىڭ ءومىرىن جايلى ەتەدى، دەدى قالانىڭ جەتىسۋ اۋدانىنىڭ اكىمى گۇلنار كوكەبايەۆا. وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا اۋداندا كوكتەمدە 8 650 كوشەت وتىرعىزىلعانىن ايتتى. "كوكجيەك" شاعىناۋدانىندا اللەيالار پايدا بولدى، انگارسكايا كوشەسىنىڭ بويىنا باقشا سالىندى جانە 150 «سيۆەرس» الما اعاشتارى وتىرعىزىلدى، دەپ حابارلايدى almaty-akshamy.kz.
كوگالداندىرۋداعى تاعى ءبىر باستى باعىت – اۋداندى گۇلمەن بەزەندىرۋ. اكىم بيىلعى ماۋسىمدا 8500 شارشى مەتر گۇل وتىرعىزىلعانىن ايتتى.
كوگالداندىرۋمەن قاتار جاسىل جەلەكتەردى سۋارۋ ماسەلەسى وزەكتى بولىپ قالا بەرەدى. گۇلنار كوكەبايەۆانىڭ ايتۋىنشا، اۋداندا جاسىل الاڭداردى سۋارۋ 24 الاڭدا، 20 جاسىل ايماقتا جانە ءبىر ساياباقتا جۇرگىزىلۋدە.
وتكەن ايدا «اينابۇلاق-3» شاعىناۋدانىنداعى، ابىلاي حان داڭعىلىنىڭ بويىنداعى جانە الماتى-2 تەمىرجول ۆوكزالىنىڭ الدىنداعى جالپى باقتاردا ءۇش جىل بويى جۇمىس ىستەمەگەن اۆتوماتتى سۋارۋ جۇيەسى تولىق قالپىنا كەلتىرىلدى.