الماتىنىڭ جەتىسۋ اۋدانىندا قانداي مەكتەپتەر جوندەلەدى جانە كەڭەيتىلەدى ؟

 
الماتى قالاسى جەتىسۋ اۋدانىنىڭ اكىمى گۇلنار كوكەبايەۆا وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا جاڭا وقۋ جىلى قارساڭىندا اۋدانداعى مەكتەپ نىساندارىنىڭ جاعدايى تۋرالى ايتتى. ساباقتار جايلى جاعدايدا ءوتۋى ءۇشىن ءبىرقاتار مەكتەپتەر كۇردەلى جوندەۋدەن وتەدى. 
 

گ. كوكەبايەۆا اتاپ وتكەندەي، قازىرگى ۋاقىتتا №177، 57، 102 مەكتەپتەردە 1050 ورىندىق ءۇش وقۋ كورپۋسىنىڭ قۇرىلىسى جۇرگىزىلۋدە، سونىمەن قاتار №43 مەكتەپ اسحاناسىنىڭ جاڭا كورپۋسى سالىنۋدا. جۇمىستى 2021 جىلدىڭ سوڭىنا دەيىن اياقتاۋ جوسپارلانۋدا. 
 

«بيىلعى جىلدىڭ ءتورتىنشى توقسانىندا №80 جانە 129 مەكتەپتەردى كۇردەلى جوندەۋدەن وتكىزۋدى جوسپارلاۋدامىز. اتالعان مەكتەپتەر بويىنشا وڭ ساراپتاما الىندى. قۇرىلىس جۇمىستارىنا بايقاۋ جاريالاندى»، - دەدى اۋدان اكىمى. 
 

سونىمەن قاتار، №148، 103 جانە 112 مەكتەپتەردىڭ 850 ورىندىق وقۋ كورپۋستارىنىڭ قوسالقى قۇرىلىسىنا، سونداي-اق №101 مەكتەپتىڭ اكت زالىن كەڭەيتۋگە قاتىستى جوبالىق-سمەتالىق قۇجاتتار ازىرلەنۋدە. قۇرىلىس جۇمىستارى كەلەسى جىلى باستالادى. 
 
سونداي-اق، «اينابۇلاق-4» شاعىناۋدانىنداعى 160 ورىندىق بالاباقشا قۇرىلىسىنا مەملەكەتتىك ساراپتاما جاسالدى.