قازاقستاندا 2021-2022 وقۋ جىلىنىڭ ءتارتىبى قالاي وتەتىنى ايتىلدى.
ق ر ءبىلىم جانە عىلىم ءمينيسترى ورتا ءبىلىم بەرۋ ۇيىمدارىندا 2021-2022 وقۋ جىلىنىڭ باستالۋىن، ۇزاقتىعىن جانە كانيكۋل كەزەڭدەرىن ايقىنداۋ تۋرالى بۇيرىققا قول قويدى، دەپ حابارلايدى Almaty-akshamy.kz
قۇجات بويىنشا، مەنشىك نىسانىنا جانە ۆەدومستۆولىق باعىنىستىلىعىنا قاراماستان، ورتا ءبىلىم بەرۋ ۇيىمدارىندا 2021-2022 وقۋ جىلىنىڭ باستالۋى، ۇزاقتىعى جانە كانيكۋلى كەزەڭدەرىنىڭ مىناداي مەرزىمدەرى ايقىندالدى: جاڭا وقۋ جىلى ادەتتەگىدەي 2021 جىلعى 1 قىركۇيەكتە باستالادى.
وقۋ جىلىنىڭ ۇزاقتىعى 1-سىنىپتاردا – 33 اپتاعا، 2-11 (12)- سىنىپتاردا – 34 اپتاعا جەتەدى. كانيكۋل كەزەڭدەرى: بۇكىل سىنىپتاردا كۇزگى كانيكۋل – 7 كۇن (2021 جىلعى 1-7 قاراشا ارالىعىندا)، قىسقى – 11 كۇن (2021 جىلعى 30 جەلتوقسان مەن 2022 جىلعى 9 قاڭتار ارالىعىندا)، كوكتەمگى – 12 كۇن (2022 جىلعى 19-30 ناۋرىز ارالىعىندا). 1-سىنىپتارعا ارنالعان قوسىمشا كانيكۋل – 7 كۇن (2022 جىلعى 7-13 اقپان ارالىعىندا) بولىپ بەلگىلەندى.